Burnsteem25||Diary Game Season 3|| January 9, 2023|| "Travel Escapade"

Isang mapagpalang hapon sa ating lahat mga kaibigan. Medyo matagal na panahon bago ako nakabalik dito sa ating komunidad para ibahagi sa inyo ang mga magagandang lugar sito sa amin. Nais kong ibabahagi sa inyo ang aking nakunang letrato habang ako ay naglalakbay dito sa Barangay Paniangan sa Lungsod ng Manticao sa Misamis Oriental. Dito sa aming lugar makikita ang mga ibat-ibang magagandang lugar, kahoy, mga halaman at iba pa. Ang unang larawan na ibabahagi ko sa inyo ay itong napakalinis na ilog ng Manticao. Noong nakaraang araw dahil sa masamang panahon na humagupit dito ay nagkaroon ng malaking pagbaha at medyo marami ang dalang pinsala na dala ng masamang panahon at ng pagbaha.

Iilan sa mga nasira at nawasak dulot ng nagdaang mga sama ng panahon at pagbaha ay paguho ng lupa gaya nito. Nangangamba na kami dahil patuloy na gumuguho ang lupa dahil sa patuloy ng pag-ulan hanggang sa ngayon. Noong una ay may malaking kahoy ng talisay na nakatayo dito pero natangay na ng malaking baha. Malambot ang lupa ng aming lugar kaya madali itong guguho kapag may malakas na pag-ulan.

Sa patuloy kong paglalakbay ay napansin ko itong pinutol na punong kahoy ng Atipolo. Nakakalungkot dahil pinutol nila na hindi pinalitan ng bagong tanim para mapanatili ang kagandahan ng lugar. Ang lugar na ito ay kakaunti nalang ang mga malalaking kahoy na nakikita dahil halos natangay na ng tubig ilog ang mga ito. Ang pinutol na kahoy ay ginamit daw sa pagkumpuni ng bahay at ayon sa mga taong nakatira dito ay tataniman nila ng mga maliliit na puno gaya ng Tugas, Mahogany at Germilina ang lugar na ito.

May mga magagandang mga halaman din ang makikita dito gaya ng Anahaw na ito. Ang anahaw ay isang pambansang dahon ng Pilipinas at kadalasang ginagamit ito sa bahay. Ito rin ang ginagamit ng mga magsasaka na nagtatrabaho sa bukid lalo na kung may ulan. Ang tuyong dahon ng anahaw ay ginagamit din bilang pamaypay o di kaya ay pandekorasyon sa ibat-ibang okasyon gaya ng kasal, binyag, fiesta at marami pang iba.

Isa ito sa mga magagandang bulaklak na makikita dito sa aming lugar at tinatawag itong Morning Glory dahil sumisibol lang ito tuwing umaga. Popular ang ganitong uri ng bulaklak at kadalasang tumutubo ito sa gilid ng punong niyog. May mga ibat-ibang uri ng mga insekto ang dumadapo dito lalo na ang mga bubuyog, tutubi at paru-paru. Madali lang tumubo o paramihin ang ganitong uri ng mga bulaklak pero dahil marami dito kaya hindi na magtatanim ang mga tao pero hindi naman nila ito pinapatay.

🌳🌳🌳🌳🌳🌳🌳🌳

Kung mapanatili at maaalagaan lang ang ating kapaligiran ay matatamasa talaga natin ang kagandahan nito. Nais ko ring imbitahan sina @manticao, @jessmcwhite at @jb123 para sa talaraawan dito sa steemit at ang 25% ay ibabahagi ko sa @null.