မနက်​ဖြန်​ဆိုရင်​ ကျွန်​​တော်​​သေမယ်​။

ပြတင်း​ပေါက်​ကတိုးထွက်​လာတဲ့ မီးခိုး​ငွေ့​လေးလိုပဲ တိမ်​​တွေဆီ​ပြေးထွက်​သွားလိုက်​ရမလား။ ဒါမမဟုတ်​ စံပယ်​ပန်းရနံ့​လေးလိုပဲ ​လေနဲ့အတူ လိုက်​ပါ​ပျောက်​ကွယ်​လိုက်​ရမလား။ ချစ်​ခင်​နှစ်​သက်​​သောသူများနှင့်​ ​ကွေကွင်းရခြင်းဒုက္ခဆိုတဲ့ တိမ်​တစ်​အုပ်​ဟာ အိမ်​​ရှေ့တံခါးမှာ​စောင့်​လို့ အိမ်​​ရှေ့တံခါးဟာ သူ့ခရီးရဲ့အစပဲ။ ငှက်​က​လေး​တွေလို လူမသိ သူမသိ​သေလိုက်​ရမယ့်​ ခရီးရဲ့အစ။ ခရီးရဲ့အစုံး။

အော်​မကြား​ခေါ်မကြား အခန်းကျဉ်း​ထဲမျက်​နှာကြက်​နဲ့ ကြမ်းပြင်​ကြား ပင့်​ကူမျှင်​​တွေ တစ်​လှုပ်​လှုပ်​။ အူ​နေတဲံနားထဲ​ ​ကြေးစည်​သံ​တွေ တုန်​ခါလို့ လက်​ထဲမှာဆုပ်​ကိုင်​ထားတဲ့ အတိတ်​ဆိုတဲ့အရာကို တ​ဖြည်းဖြည်း ​လျှောချလိုက်​​တော့...။ လူငယ်​ဘဝရဲ့ ရက်​စွဲများနဲ့အတူ မိုက်​မဲမှုများ။ ချစ်​ခဲ့တဲ့ချစ်​သူများနဲ့ မုန်းခဲ့တဲ့မုန်းသူများရဲ့ ရယ်​သံများ၊ ကြယ်​​ရောင်​ဆာတဲ့သီချင်း၊ ဂျင်း​ဘောင်းဘီအပြဲတစ်​ထည်​လို ဒဏ်​ရာဒဏ်​ချက်​များ၊ မူးယစ်​ရီ​ဝေညများ၊ နီယွန်​မီးလို​ဒေါသ၊ ပန်းခြံထဲကရမ္မက်​၊ အသစ်​ရှာ​ဖွေ​တွေ့ရှိချက်​များ၊ မူးယစ်​​ဆေးဝါး၊ အသက်​များ၊ ရယ်​သံများ၊ ငိုသံများနဲ့ အ​မှောင်​ထဲတိုးဝင်​တဲ့ရထား... တဖြည်းဖြည်း​မှေးမှိန်​လို့ ငါ့စိတ်​နဲ့​ဝေး​ဝေးသွားတဲ့ အရိပ်​များ... ​မေ​မေရဲ့ တည်​ငြိမ်​တဲ့ မျက်​နှာ​လေးသာ မတည်​ငြိမ်​တဲ့ ငါ့စိတ်​ မှန်​သားပြင်​​ပေါ် ထင်​ကျန်​​နေခဲ့တဲ့ည​နေ။

ငါချစ်​ခဲ့တယ်​။ ကမ္ဘာ​မြေကို ငါချစ်​ခဲ့တယ်​။ တုန်​ခါ​နေတဲ့ ငါ့ဘယ်​ဘက်​ရင်​အုံကို လက်​နဲ့ဖိလို့ ​မေတ္တာတရားကို ယုံခဲ့တယ်​။ အ​မှောင်​ထဲ ပွင့်​​နေတဲ့ပန်း​လေးတစ်​ပွင့်​ရဲ့ရနံ့ကို ကိုယ်​ချင်းစာတယ်​။ မိ​မွေးတိုင်းဖ​မွေးတိုင်း စိတ်​နဲ့အရာရာကို ချစ်​ခဲ့တယ်​။ သံသရာကိုချစ်​ခဲ့တယ်​။ နံနက်​ခင်းအရုဏ်​​အောက်​ ဆွမ်းခံကြွလာတဲ့ ရဟန်း​တော်​များနဲ့ ​ဂေါတမဗုဒ္ဓကိုချစ်​ခဲ့တယ်​။ ဒုက္ခကိုချစ်​ခဲ့တယ်​။ ​ဗေဒါပင်​​လေးကိုချစ်​ခဲ့တယ်​။ အမှန်​တရားကိုချစ်​ခဲ့တယ်​။ ပိ​တောက်​ပန်း​တွေနဲ့ အ​ဘွားကိုချစ်​ခဲ့တယ်​။ ငါ့ကိုယ်​ငါချစ်​ခဲ့တယ်​။ ရည်းစား​ဟောင်း​တွေကိုချစ်​ခဲ့တယ်​။ ဘယ်​လို​ပြောရမလဲ။ ဘယ်​လို​ပြောခဲ့ရမလဲ။ ငါချစ်​ခဲ့တယ်​ဆိုတဲ့အ​ကြောင်း။ ငါချစ်​တဲ့ ကမ္ဘာကြီးနဲ့ ငါချစ်​တဲ့ ချစ်​သူ​တွေသိ​အောင်​ ဘယ်​လို​ပြောပြခဲ့ရမလဲ။

တစ်​စတစ်​စ နာရီဆိုးများ​အောက်​တိုးဝင်​​နေတဲ့ ဝိဥာဉ်​။ ခန္ဓာကိုယ်​ထဲ ဘာသာစကား​တွေ​ပျောက်​ဆုံးလို့ ဆက်​သွယ်​မှုဧရိယာပြင်​ပ​ရောက်​​နေတဲ့ လူတစ်​​ယောက်​ရဲ့ ရင်​ထဲကစကား နတ်​ဘုရား​တွေကြားနိုင်​ပါ​စေ။ ဒုက္ခနဲ့တစ်​ခါ​တွေ့တိုင်း မိန်းမတစ်​​ယောက်​ရဲ့ ရင်​ခွင်​ထဲတိုးဝင်​မိတဲ့​နေစွဲများ။ မနက်​ဖြန်​ဆို ကျွန်​​တော်​​သေမယ်​။

ဘဝမှာ မလုပ်​ဖူးတာဆိုလို့ မနက်​ဖြန်​​သေမယ့်​ အလုပ်​ပဲရှိမယ်​ထင်​တယ်​။ ဟုတ်​တယ်​။ မနက်​ဖြန်​ဆို ကျွန်​​တော်​​သေမယ်​။ မနက်​ဖြန်​မှာ ကျွန်​​တော်​​သေသွားခဲ့ရင်​ မည်​သူမဆို လွတ်​လပ်​စွာ ငိုပိုင်​ခွင့်​ရှိသလို၊ မည်​သူမဆို လွတ်လပ်စွာ ​​ရယ်​​မောခွင့်​ရှိရဲ့။ မည်​သူမဆို လတ်​လပ်​စွာ ချီးမွမ်းခွင့်​ရှိသလို မည်​သူမဆို လွတ်​လပ်​စွာ ဆဲ​ရေစခွင့်​ရှိရဲ့။ တစ်​ခုပဲ။ ကျွန်​​တော်​ရဲ့ဈာပနကို စိတ်​ပါမှသာ လာခဲ့ကြဖို့တစ်​ခုပဲ။ တစ်​​ယောက်​ဖြစ်​​စေ နှစ်​​ယောက်​ဖြစ်​​စေ စိတ်​ပါမှသာ လာခဲ့ကြပါ။ အစဉ်​အလာ​ဘောင်​​တွေကို ရိုက်​ချိုးပစ်​ပါ။ ဝတ္တရားတစ်​ခုအ​နေနဲ့ မလာခဲ့ပါနဲ့။ ခင်​ဗျားတို့အလုပ်​ပျက်​ရုံပဲ။ မနက်​ဖြန်​ဆို ကျွန်​​တော်​​သေမယ်​။

ဘာမှပြင်​ဆင်​မထားဘူး။ ဘာမှမှီခိုမထားဘူး။ ဘာမှသယ်​ယူမထားဘူး။ လွတ်​လွတ်​လပ်​လပ်​ပဲ ကျွန်​​တော်​အသက်​ရှူ ​နေတယ်​။ လွတ်​လွတ်​လပ်​လပ်​ပဲ ကျွန်​​တော်​​တွေး​နေတယ်​။ ဟိုးအ​ဝေး... ​တောင်​​တော်​​ပေါ်က မီး​ရောင်​သဲ့သဲ့ကို လှမ်းမြင်​​နေရတယ်​။ ဧရာဝတီမြစ်​ကြီးရဲ့စီးသံ။ အများအကျိုးအတွက်​ အသက်​စွန့်​သွားကြတဲ့ သူရဲ​ကောင်း​တွေရဲ့အရိပ်​​တွေ၊ အသံ​တွေကိုမြင်​​နေရ ကြား​နေရတယ်​။ ကျွန်​​တော်​က​တော့ အများအကျိုးအတွက်​မဆိုထားနဲ့ ကိုယ့်​မိသားစု အကျိုးအတွက်​​တောင်​ ဘာမှမလုပ်​​ပေးနိုင်​တဲ့ လူတစ်​​ယောက်​။ ဗာလာနံ ​ပေ​ပေ​တေ​တေစီးဆင်းခဲ့တဲ့မြစ်​တစ်​စင်း၊ ကမ္ဘာကြီးကိုပူ​နွေး​စေမဲ့ ကြွပ်​ကြွပ်​အိတ်​တစ်​လုံး။ ပတ်​ဝန်းကျင်​ကို နားငြီး​စေမယ့်​ ဟဲဗီး​ရော့ခ်​တစ်​ပုဒ်​။ လူ့ကျင့်​ဝတ်​​တွေကို မလိုက်​နာနိုင်​ခဲ့တဲ့ စည်းအပြင်​ကလူ။ ကိုယ်​မှန်​တယ်​ထင်​ရာ ​ပြေးစိုက်​ပစ်​လိုက်​ဖို့ ဝန်​မ​လေးတဲ့ ဓား​မြှောင်​တစ်​​ချောင်း။ အမှန်​တရားအတွက်​ ဘယ်​​တော့မှ​သွေးမ​ကြောင်​သူ။ ​ငွေသံ​ကြေးသံ​တွေကို ရွံမုန်းသူ။ ယုံကြည်​ချက်​မရှိ၊ ခံယူချက်​မရှိတဲ့ သာ​ပေါင်းညာ​စား​တွေကို မီးပုံရှို့ချင်​သူ။ ကျွန်​​တော်​ရဲ့ လုအဖြစ်​အ​ပေါ်မှာ​တော့ ကျွန်​​တော်​ဟာရိုးသားခဲ့တယ်​။ ကျွန်​​တော်​ရဲ့လူမျိုး ကျွန်​​တော်​ရဲ့ တိုင်းပြည်​အ​ပေါ် ရိုးသားခဲ့တယ်​။ ကျွန်​​တော်​လုပ်​နိုင်​ခဲ့တာဒါပဲ။ ကျွန်​​တော်​ပိုင်​ဆိုင်​သမျှဟာဒါပဲ။ ကမ္ဘာကြီးကို ​ပေးနိုင်​ခဲ့တာဆိုလို့ ကဗျာတစ်​ပုဒ်​လို ရိုးသားမှုတစ်​ခုတည်း။ ​သွေးရိုးသားရိုးအမှား​တွေပဲ။

မနက်​ဖြန်​ဆိုရင်​ ကျွန်​​တော်​​သေမယ်​။ ​လေနှင်​ရာလွင့်​ခဲ့တဲ့ တိမ်​တစ်​အုပ်​လို မိုး​ကောင်းကင်​ကြီးရဲ့ ​ခြေ​တော်​ရင်းအ​ရောက်​ အသက်​ထက်​ကြိုးမျှင်​က​လေးလွင့်​ပျံ့။ စကားဝါပင်​​လေးရဲ့ထံ​တော်​ပါး။ နှင်းတစ်​စလို ​မြေခဖို့ သံ​ဝေဂသံတလွင်​လွင်​နဲ့လာခဲ့ပြီ။ လွမ်း​စေတီနံ​ဘေး သစ်​ရွက်​​တွေကို ရှပ်​ထိုး​ပြေး​နေသလို ကန်​​ရေပြင်​ရဲ့အလင်းနဲ့ လာခဲ့ပြီ။ မီးခိုလိုမ​သေခြာမှုနဲ့ ဒီဘဝကို ခဝါချဖို့ ​လှေက​လေးတစ်​စင်း ပိန်းပိတ်​အ​မှောင်​ထဲ တကျီကျီ​လှော်​ခတ်​လို့ ​မ​သေခြာမှုတစ်​ခုဆီ ​သေချာဖို့လာခဲ့ပြီ။ တိမ်​လိုလို ​လေလိုလို မီးတစ်​စလိုလို ကဗျာဆရာလာခဲ့ပြီ။ ခရီးကိုအဆုံးသတ်​ဖို့ ခရီးတစ်​ခုဟာလာခဲ့ပြီ။

ဆွတ်​ပျံ့ဖွယ်​အလွမ်းအ​မောများနဲ့ မနက်​ဖြန်​ဆိုရင်​ ကျွန်​​တော်​​သေမယ်​။ နား​ထောင်​ပါ မနက်​ဖြန်​ဆိုရင်​ ကျွန်​​တော်​​သေမယ်​။ မနက်​ဖြန်​ ကျွန်​​တော်​​သေတဲ့အခါ ကျွန်​​တော်​ပိုင်​ဆိုင်​သမျှ ဖျက်​ဆီးလို့ရတဲ့ အရာမှန်​သမျှ ကျွန်​​တော်​နဲ့တစ်​ပါတည်း ​ဖျောက်​ဖျက်​မီးရှို့ လို့ ကျွန်​​တော်​ပိုင်​ဆိုင်​သမျှ ဖျက်​ဆီးလို့မရတဲ့ အရာများကိုလည်း သူ့အတိုင်းထားလို့ ကျွန်​​တော်​ခန္ဓာကိုယ်​ရဲ့န​ဘေး သီချင်းတစ်​ပုဒ်​လွင့်​ပျံ့​နေပါ​စေ။ ချစ်​ခြင်း​မေတ္တာတရား​တွေ သင်းပျံ့​နေပါ​စေ။ ငိုသံများကို ကျွန်​​တော်​ဝိဥာဉ်​နဲ့​ဝေးရာသို့ဖယ်​ရှားလို့ ကဗျာတစ်​ပုဒ်​လိုပဲ ကျွန်​​တော်​ကိုအဆုံးသတ်​လိုက်​ပါ။

နှုတ်​ဆက်​ခဲ့ရဲ့။ ကျွန်​​တော်​အ​ပေါ်​တာဝန်​​ကျေပွန်​ခဲ့​သော၊ ကျွန်​​တော်​က တာဝန်​မ​ကျေခဲ့​သော ​နွေ၊ မိုး၊ ​ဆောင်းဥတုသုံးလီနဲ့ ကမ္ဘာ​မြေကြီးကိုနှုတ်​ဆက်​ခဲ့ရဲ့။ ​မေတ္တာတရားအ​ကြောင်း သင်​ပြ​ပေးခဲ့တဲ့ အ​မေ့ကိုလည်း နှုတ်​ဆက်​ခဲ့ရဲ့။ ဘာသာစကား​တွေမသုံးပဲ တို့နှစ်​​ယောက်​သိပ်​ချစ်​ခဲ့ကြတဲ့ ချစ်​သူ​လေးရဲ့ ကိုယ်​သင်းရနံ့​မွှေးညှင်းနု​လေးများကိုလည်း နှုတ်​ဆက်​ခဲ့ရဲ့။ စိတ်​တူကိုယ်​တူ သူငယ်​ချင်းများနဲ့ ​နေညိုချိန်​ ဘားက​လေးကိုလည်း နှုတ်​ဆက်​ခဲ့ရဲ့။ ပြန်​မလာ​တော့ဘူး။ စစ်​ပွဲများနဲ့ ယမ်း​ငွေ့တ​ဝေ​ဝေ ​မြေကမ္ဘာဆီ ပြန်​မလည​တော့ဘူး။ ​မေတ္တာတရားကို မ​လေးစားသူ​တွေကြားထဲ ကျွန်​​တော်​ပြန်​မလာ​တော့ဘူး။ အပြီးအပိုင်​ထွက်​ခွာသွား​တော့မယ်​။ ကျွန်​​တော်​သွား​တော့မယ်​။ ​နေခင်း​ကြောင်​​တောင်​ကြီး ဗြုန်းကနဲ့ရွာချလိုက်​တဲ့မိုးလို ကျွန်​​တော်​သွား​တော့မယ်​။ ​လေထဲကဖ​ယောင်းတိုင်​လို့ ​ကောင်းကင်​တံခါးကို ​ခေါက်​ဖို့ကျွန်​​တော်​ သွား​တော့မယ်​။

ရုပ်​ရှင်​အ​နှေးပြကွက်​တစ်​ခုလို ​နောင်​တတရား​တွေ စိတ်​ဖလင်​ခွက်​​ပေါ့တစ်​ကွက်​ချင်း ကိုယ်​ထင်​ပြလို့ အ​မှောင်​လိုလို ​ကြောင်​လိုလို ​အော်​သံများနဲ့ ​လေဟာပြင်​တစ်​ခု ငါ့ခန္ဓာကိုယ်​ဆီ တ​ရွေ့​ရွေ့တွားတက်​လာ​နေကြ။ လွှတစ်​စင်းလို ငါ့အသက်​ရှူသံဟာ အ​ပြေးသမားတစ်​​ယောက်​လို မြန်​လာလိုက်​ အ​ဆွေးသမားတစ်​​ယောက်​လို ​နှေးသွားလိုက်​ ​လေးလံ​နေတဲ့ခန္ဓာကိုယ်​ဟာ အ​မှောင်​တစ်​ခြမ်း၊ အလင်းတစ်​ခြမ်းထဲ မလှုပ်​မယှက်​ တိတ်​တဆိတ်​​သေခြင်းဟာ ငိုက်​မျည်းလို့။ ငါ့ရဲ့​နောက်​ဆုံးထွက်​သက်​ကို​စောင့်​ဆိုင်း​နေတဲ့ ပြတင်းတံခါး​လေးဟာလည်း ကျွီကျွီမြည်​လို့။ ငါ့ဝိဥာဉ်​အလွယ်​တကူ ထွက်​ခွာသွားလို့ရ​အောင်​ အသင့်​အ​နေအထားနဲ့ ငြီး​ငွေ့ကျီးအာသံ​တွေလို ​ဝေဒနာ​တွေဟာ ​နေရာကွက်​ကြား။

သိ​နေ​သေးတယ်​။ တဖျစ်​ဖျစ်​မည်​​နေတဲ့​ရေခဲတုံး​လေးတစ်​တုံး ဖန်​ခွက်​ထဲ​အော်​မြည်​​နေသလို ငါအသက်​ရှူ​နေတယ်​ဆိုတာကို သိ​နေ​သေးတဲ့ စိတ်​က​လေးတစ်​ခုရှိ​နေ​သေးတယ်​။ ငါ့စိတ်​​တွေဟာသွား​နေကြ​သေးတယ်​။ ညို့ညို့ဆိုင်းဆိုင်း​တောအုပ်​က​လေးရဲ့​ဘေး စမ်း​ချောင်း​လေးတစ်​ခုဆီ၊ လူ​တွေပြည့်​ကျပ်​​နေတဲ့မြို့လည်​​ကောင်​ဆီ၊ အဖြူ​ရောင်​သင်္ချိုင်းတစ်​ခုဆီ ​ရွှေဝါ​ရောင်​ဝတ်​​ကျောင်းတစ်​ခုဆီ၊ ဖျက်​ခနဲ လက်​ခနဲ​လေထဲလွင့်​​နေရတဲ့ မီးတစ်​စလိုလို၊ ပိန်းကြာရွက်​​ပေါ်တင်​​နေခဲ့တဲ့​ရေတစ်​စက်​လိုလို ​အေးသွားလိုက်​ ပူလာလိုက်​၊ ​မှောင်​သွားလိုက်​ လင်းလာလိုက်​၊ ပူရှိန်းရှိန်းရနံ့တစ်​ခုဟာ တုန်​ခါမှုတစ်​ခုလို ​လျော့ရဲ​နေတဲ့ ငါ့စိတ်​မျက်​နှာပြင်​​ပေါ်ဖြတ်​သန်းလို့ သိတစ်​ချက်​ မသိတစ်​ချက်​ နားထဲ​လေ​တွေ ​အော်​မြည်​​နေတဲ့အသံ။ အင်​ဂျင်​စက်​သံ၊ ​ရေတံခွန်​စီးသံ၊ ဂစ်​တာတီးသံ၊ ဝတ်​ပြုဆု​တောင်းသံ၊ ကဗျာရွတ်​သံ အသံ​တွေ... "တီ" ကနဲမြည်းသံနဲ့အတူ အားလုံး​ပျောက်​ကွယ်​သွား။

ည။
လူတစ်​​ယောက်​လို​နေပြီ လူတစ်​​ယောက်​လို​သေဆံးသွားရမယ့်​ လူတစ်​​ယောက်​၊ ကဗျာတစ်​ပုဒ်​လို စတင်​ပြီး ကဗျာတစ်​ပုဒ်​လို ပြီးဆုံးသွားမယ့်​ ကဗျာတစ်​ပုဒ်​။ စကားဝါပင်​​လေးတစ်​ပင်​၊ မပြီးဆုံး​သေး​သော​တေးတစ်​ပုဒ်​၊ တရားမရ​သေး​သော ​တောရ​ကျောင်းငယ်​။
မကျွတ်​မလွတ်​​သေး​တဲ့ အချစ်​​တွေနဲ့ ည​မွှေးပန်းပင်​​လေး​အောက်​က ရစ်​ဝဲ​နေမယ့်​ တ​ယောသံများ။ ကျွန်​​တော်​မရှိ​တော့​ပေမယ့်​ ကမ္ဘာ​မြေပြင်​ရဲ့​ ​နေဝင်​ဆည်းဆာများ။အ​မှောင်​နဲ့အတူ ​ပျောက်​ဆုံးသွားရမယ့်​ ​နေစွဲများ။ လွမ်းဆွတ်​​ကြေကွဲရတာ​လောက်​ ဝမ်းနည်းစရာ​ကောင်းတာ ဘာမှမရှိ။ ဒီကမ္ဘာမှာ... ဒီကဗျာဟာ လူအဖြစ်​ကိုမ​တော်​တဆ ​ရောက်​လညခဲ့တဲ့ လူတစ်​​ယောက်​ ကမ္ဘာကြီးထဲ မ​တော်​တဆ​ပျောက်​သွားခဲ့တဲ့အ​ကြောင်း စာသားများမျှသာ။
မနက်​ဖြန်​ဆို ကျွန်​​တော်​​သေမယ်​။

အတာဦး