Aaj bhi jeet gaye hum.
Jo bhi kaho yaar lekin New Zealand bahut hi jyada kamjor team hai. Saare match bahut hi asaani se haar rahe hai ek match me bhi ye takkar nahi de paa rahe hai. 3 match hua aur sab hum asaani se jeet gaye. Aage bhi mujhe lagta hai hum hi jeetenge aur ab koi match haarte bhi hai to series hum hi leke jaayenge kyo ki hum 3 match pahle hi jeet chuke hai aur agar NZ akhri ke 2 match jeet bhi jaata hai fir bhi wo haar jaayega.
Iss baar to team India ne kamaal hi kar diya hai humari team puri set ho gayi hai aur mujhe lagta hai ye world cup ke liye puri tarah se taiyaar hai. Australia se bhi hum jeete lekin unse asaani se nahi jeete lekin new zealand se to bahut hi asaani se hum jeet rahe hai. Sach me mujhe bahut khusi ho rahi hai mujhe laga nahi tha ki hum new zealand se itni asaani se jeetenge.
New Zealand me pahle ke player achha tha lekin ab ke player sab bekaar hai. Kane Williamson ki captaincy achhi hai lekin player bhi to achhe hone chahye na agar achhe player na ho to fir team kaise jeet paayegi. Pahle ke player Brendon McCullum mujhe bahut jyada pasand hai kamaal ki paari khelte hai ye agar abhi ye hote to new zealand ke itne kharab samay na chal raha hota yaar.
Shami bane man of the match.
Ab ye banda achhi bowling kar raha hai jo bhi kaho iss ki bowling ab kaafi sudhri hai. Aaj ke match me man of the match bhi shami ban gaye hai. Baaki ke bowler ne bhi achhi bowling ki hai aur team me Hardik Pandya fir se aa gaye hai inki bowling bhi achhi rahi hai lekin inko batting karne nahi mila kyo ki target hi kam tha 3 wicket me hi match jeet gaye.
Rohit ne achhi batting ki hai.
Yadi batting ki baat ki jaaye to Rohit ne sab se jyada run banaaye hai. Aaj Dhoni nahi khel paaye kyo ki wo chotil they aur ye baat jaan kar sab se jyada khusi Dinesh Karthik ko hui hogi. Dhoni ke baithne ki wajah se Dinesh ko match khelne ka mauka mila hai. Mujhe lagta hai Dinesh achhe player hai aur aaj bhi last me utar kar achhi paari kheli hai inki batting achhi thi.
Iss baar ye sayad world cup me khel nahi paayenge kyo ki agar dhoni team me hai to dusre keeper ka khelna mushkil hai. Mujhe nahi lagta dinesh ko iss baar world cup khelne ka mauka mil paayega iss baar fir se Dhoni hi khelne waale hai world cup lekin yaar ye Ambati ki jagah Dinesh ko lenge tab team best hogi.