Tang teng lampaya cangguk meu canang
Hate jih seunang ujeun jiteuka
Buleun puasa hatee teuh seunang
Peuget bu leumang teumon meubuka

Meugah dipadang keubeu meutunang
Ikheun nan minang sebut bahasa
Megah diaceh dengen bu leumang
Atra kenangan bak ureung tuha

Di aceh jameun geutet bu leumang
Peuget hidangan buka puasa
Meusoe yang pajoeh hatee jih seunang
Si ulah sang sang cit khas eropa

Bintang meu blet blet dilanget manyang
Hate teuh seunang takalon rupa
Meu goh neupajoeh rasa bu leumang
Meu ci hai rakan kajeut neu cuba

Dile aceh nyoe tumboeh u pahang
Masa sultanan iskandar muda
Sultan aceh meugah that manyang
Ji the meugah nan sampoe uluwa

Jalan meulaboeh tumboeh u calang
Tajak u geumpang ret pidie jaya
Leumang lam buloeh neupajoeh hai bang
Menu makanan buka puasa

Sidum nan mangat nyum sate matang
Ngon sate padang hana bandeng sa
Meugoh neuteu oh rasa bu leumang
Keunoe neu hai bang laju beusigra

Tajak ubuloeh beutroeh u berghang
Meukat ie kacang buleun puasa
MumadA ohno haba lon karang
Peuget karangan haba meurika

Meunyoe na salah kamoe keumarang
Meuah hai rakan meunyoe na cupa
Kadang na salah bek jeut curang
Nak sah amalan buleun puasa

Wassalam.