The Diary Game (April 21, 2022) | Day Off at Grocery, Konting Power Up at Delegation

Magandang Hapon po sa Inyong lahat!

Kamusta po kayo? Medyo matagal na ako hindi napagPost dito sa ating community. Naging abala na po ako sa aking trabaho. Dahil balik full operation na po kami pagkatapos po ng isang taon din na working from home. Kaya back to 8 hours work away from home na.

Pero noong Monday day off ko, kaya nagpasya kami ng aking asawa na maggrocery at isama ang mga bata. Matagal na rin kasi hindi kami nakalabas na mag-anak. Pero kasi nagmomodule pa rin ang mga bata, kailangan kong ihatid and kunin mga modules sa paaralan nila sa umaga. Sa hapon kami umalis at nagpunta sa isa sa mga pinakamaliit na mall dito sa aming lugar. Sympre ako ang driver palagi sa lahat ng lakad namin. :D

Habang naglalakbay kami, ang aking asawa naman ay abala sa pagkuha ng litrato sa daan. :D Maganda ang panahon noong Lunes.

Sa parteng Banilad, Cebu City po ito.

Eto papasok na kami sa parking lot ng Gaisano Country Mall. Sa Gaisano Country Mall pala ang punta namin para maggrocery.

Tuwang tuwa mga bata kakalakad at kuha ng mga gusto nila. Pero sympre yung nasa budget lang. Hirap naman lumampas sa budget. Kaya kinukonsulta muna nila sa amin kung pwede ba bilhin ung mga item na kinuha nila.

At ayun isang oras mahigit din kami sa grocery. Namili din kasi si asawa ko ng mga ingredients niya sa kanyang mga food vlogs. Pagkatapos namin doon may pinuntahan pa kaming iba. At nakauwi kami sa bahay ng mga alas 6. Naabutan na rin kasi kami ng matinding traffic dahil uwian na ng mga tao. Napagod ako sa kakadrive. :D Pero okay lang. Ang importante eh masaya kami mag-anak.

Sya nga po pala, nagpower up pala ako 16 days ago ng 34.929 Steem at nilakihan ko po ang delegations ko kay @steemitphcurator. From 150 to 300 SP.

Maraming salamat po sa pagbabasa ng aking diary ngayon.

Hanggang sa muli!

Ang inyong kaibigan,

Arjay