KURSI YANG PANTAS JADI REBUTAN

Hai... Steemians buat yang udeh cairin SBD nye semoga jadi barokah dan yang belon masih nunggu naek lagi yang sabar ye...

Pas ane liat ade kursi yang lagi nyangsang di pager langsung aje ane poto, disitu ade budaye yg ke simpen didalemnye, kursi yang terlihat nyangsang diatas posisinye kebalik ga bakal jadi rebutan kan?

Kursi sekarang yang jadi rebutan itu sebenernye bagus tapi rebutannnye yang bahaya, saling sikut, saling ganyang, saling fitnah dll ente lebih tau deh.

Nah pilosopi kursi yg nyangsang diatas dengan posisi kebalik ini ibarat satu jabatan yang mulia dengan nilai yang mulia juga tapi nih ga jadi rebutan, kan enak gampang kite kalo mau tu kursi iye kan?

Contonhnye :

1. Orang-orang yang dapet penghargaan kalpataru, mereka yg berjasa membangun lingkungan hidup.
2. Orang-orang yang berjasa tapi ga dapat tanda jasa ape-ape. Contohnye: tukang becak yang setiap hari nanem pohon dipinggir jalan, setiap hari die bawa beberape pohon pelindung di becaknye trua ditanem dipinggir jalan yg gersang dst. Banyak lagi contoh yang laennye steemians juga tahu kan.

Nah kalo kite mao nyontoh yg begitu punya kursi yg mulia dan nilainya mulia gampang aje. Misalnye kite kaga buang sampah sembarangan, yg perokok katongin putung rokok lu.. Dan laen sebagainye. Udeh ye.. Pan juga udeh bosen.

*Jangan lupa di poting juga di komen pren... Nti ane poting komennye, okeh..