AKDANG TULA PARA SA MADLA#2 - AMBISYON KOY EDUKASYON

cejero021 (57)in #poetry • 7 years ago (edited)

source

Malinaw pa sa aking gunita ng akoy munti pang bata
Dala-dala ko'y libro na ang sisidlan ay sako
Sa buhay may salat ay walang alinlangan
Tatahakin ang pangarap sa kabila man ng hirap

Tuloy ang lakad sa araw may bilad
Paa ay paltos pagkat walang sapatos
Dama man ang hirap matayog naman ang pangarap
Mag aaral ng husto ng matupad yaring gusto

Nais kong magtapos upang malubos
Yaring kaligayahan na pinaghirapan
Pagkat edukasyon ay aking ambisyon
Makamtan ang pangarap para sa hinaharap

Dukha man at salat sa buhay
Itong lahat namay sa bayan ay alay
Di mabibigo at di rin naman maglalaho
Yaring pag asa na sa puso ay dala

Kayat hahayot tutuparin
Pangarap aking susundin
Pagsisikapan at kakamtin
Yaring edukasyon na aking ambisyon.