Naija Pidgin Challenge: why I like steemit.

Omor gist full o, if you look my face you go see say joy dey am over. I go try do am sharp sharp so that I no go too take una time.

• First first, since i come steemit the things wey I don sabi don plenty, especially crypto waka and poetry things. Me that year wey no even fit read two line of book, see as i dey chop boku writings for steemit wey don do make my sens update. dey remind me of that olamide song.

• The love and new friends wey I don make for steemit, I no get am for any other social media I swear, just dey go meetup and things, dey see people , dey interact and any support wey man need na so so solution steemians just dey give person, this men try well well, including the big boys wey dey try show us way, them make us feel like say steemit na our village, I never see this kind love for anyother place

• Towards the end of last year, things been hard well well oo, based on recession and this APC government , prices of things dey rise but income na the same, na so my hommie come tell me about steemit o, even tho we never blow like dynamite, at least boys wallet don elevate, we get money to invest and take care of some important things for street, all this from to dey yan about things wey you like ooo, e too go well abeg.

• Now my spare time no dey waste o, na steemit all the way. I don dey more productive dey manage my time wey wey sote even my spare time dey make me money.

Omor I too like steemit, infact I die put inside o, lol.
Baba God bless Steemit founders wella, bless @ned and over bless @ogoowinner based on this challenge wey she carry come, Amen!!!!