HIKAYAT IPAL

---

Assalamualaikum syedara meutuwah
Pujoe keu Allah bek sagai lupa
Ta meuseulaweut keu Rasulullah
Rayeuk faedah bak Padang Masya

Nyoe lon neuk peugah saboh masalah
Neu deungo beu pah bek salah kira
Di Gampong Pande situs sejarah
Sampoe meuluwah u Gampong Jawa

Makam ulama Sayang meulumpah
jinoe lon peugah di neuk peurata
dikeuneuk peudong IPAL le pemerintah
Hana Soe sanggah sayang lagoina

Peu di jak ganggu Aulia Allah
Sinan geu singgah meuribee kubu
Kalon nibak gob kiban di papah
Nyoe situs sejarah Han jeut Jak ganggu

Jeut ta peuroe bak Aneuk meutuwah
Kiban keuh kisah bak masa lalu
Mangat di tuoeh jaga Marwah
Sebab hai ayah di Turi Indatu

Meuhan lagee nyan bek salah peugah
Sayang meulumpah mandum la ra'kdu
Ipubloe bangsa Atawa di plah
meunyoe sejarah ka tan di teupu

Meunan keuh tamse yang ulon peugah
Ee pemerintah bek Mada neu eu
Nyan proyek IPAL neutham Ju bagah
Nyoe kamoe sanggah deuh that ubit su

Makam ulama ngen raja meutuwah
Bek peuget caprah Wahee e Teungku
Hek geu berjuang peudeng kheun Allah
Ek sampee hatee Hana Meu ta eu

Kuburan kafee get that ta papah
Lengkap ngen taman pula bak Mulu
Ulama droe itume rubah
Makam ta peugah lam Krueng meutabu

Aci neupikee peu yang lon peugah
Kiban akidah tanyoe hai Teungku
Hana Ta niet na Meu ube zarrah
Jinoe ka leupah neutem peulaku

Ret hikayat Nyoe narit lon peugah
Meuseubab gundah watee lon teupeu
sayang lon that-that makam sejarah
Jejak ngen langkah Pat lon tajak eu

Eh Noe keuh Mateng yang jeut lon peugah
Deungon bismillah Haba lon kutru
Bek Neujak ganggu situs sejarah
Nyan keuh Marwah bangsa Indatu

Geulumbang laot meubalot ceudah
Seugolom bicah meupreuk meutabu
Peu yang ta pubuet Pike beuget pah
Seugolom leupah meujungkat iku

Ulon peu abeh hikayat meutuwah
Ka nibak Allah doa lon tuju
Beujroeh keuh Sabee ulama Allah
Yang ka ka leupah beuluwah kubu

---

► Listen on DSound

► Listen from source (IPFS)