Diary Game Season 3: June 17, 2021; Ang Pagbisita Ko Sa Aking Paaralan

Magandang umaga sa ating lahat, lalong-lalo na sa mga magigiliw na magbabasa at myembro dito sa steemitphilippines community, steemit blogging.
Noong bata pa tayo ay may mga ibat-ibang karanasan tayo sa buhay, lalo na ang buhay estudyante. Maraming kalokohan, biruan, iyakan at tawanan ang nagaganap noong bata pa tayo.
Ngayong araw na ito ay binisita ko ang aking pinakamamahal na paaralang elementarya ng Manticao, ang Manticao, Central School.

Dito sa paaralang ito, natuto akong bumasa, sumulat, bumilang at para maging responsible sa lipunan sa pamamagitan ng magagandang asal. Dito rin ako nakakita ng mga maraming kaibigan, kalaro at kakampi sa ano mang bagay gaya ng assignments.

Ito ang aming corridor sa Grade 1 pa ako. Dito kami naglalaro ng tubig ulan lalo na kung may mga tubig na nakalagay sa mga butas. Kumukuha kami ng rubber bands para gawing pampitik ng mga butete. Isang uri ng hayop na lumalaki at nagiging palaka.

Ito naman ang room namin noong Grade na ako. Tuwing may programa ang paaralan gaya ng sabayang pagsisipilyo ay dito kami nagsisipilyo sa harap mismo ng room namin. Dito rin kami nanghuhuli ng mga tutubi at tinatalian ang buntot nito upang hindi makalipad palayo. Tuwang-tuwa naman kami dito dahil lumilipad lang paikot-ikot.

Ito naman ang room ko noong nasa Grade 3 na ako. Hindi ko makakalimutan talaga noong nahuli akong nakatayo sa harap at timing na dumating ang guro namin, kaya napalo ako ng cartolina sa likod dahil sa galit ng guro namin. Nahiya talaga ako noong araw na iyon dahil nakatingin lahat ng kaklase ko.

Dito sa lugar na ito naglalaro kami ng holen. Ang ingay ng lugar dito noong panahong iyon. Napakaingay namin kong maglaro kami. Nagkagulo din kami dito nang dumating ang mga boyscout namin at pwersang kinuha ang mga holen namin kaya hinabol namin sila.

Ito naman ang covered court namin. Kung saan dito kami magsasagawa ng flag raising ceremony tuwing lunes at flag retreat tuwing byernes. Kapag malapit nang matapos ang flag retreat ay ying ibang mga estudyante ay nag umpisa nang nagsitakbohan kaya napagalitan kami ng prinsipal namin at imbis alas 4 ang uwian namin ay naging alas 5 ng hapon ito.

Ito naman ang bagong mga classroom na itinayo dito sa lugar. Dahil sa k-12 ay gumawa ang ahensya ng paaralan ng mga senior highschool students.

Ito naman ang room ko noong nag Grade 5 na ako. Dito rin kami nanonood ng palabas gaya ng sineskwela, ang paborito naming palabas. Ang ibang mga room kung saan ako nakalagay noong bata pa ako ay inuukuoa muna ng D.O.H kung saan sila nagsaagawa ng vaccination program. Kaya hindi ako makalapit sa naturang lugar.

Marami tayong mga magagandang karanasan sa ating buhay noong tayo ay bata pa. Dahil wala tayong iniinda na problema at puro laro lang ang nasa isip.