Kya Ashwin ne galat kiya?

Kya aap ko bhi aisa lagta hai ki jo Ashwin ne kal kiya buttler ke saath wo galat kiya? Khair mujhe aisa nahi lagta hai. Kyo ki ye game ka rule hai aur rule buttler ne toda hai naa ki ashwin ne fir bhi log ashwin ko gaaliya de rahe hai usko bura bhala bol rahe hai. Sab ka kahna hai ki pahle usko warning deni chahye thi. Are bhai wo warning kyo dega? Jab batsmen chakka maarta hai to kya warning deta hai? 

Aap hi batao mujhe koi bhi batsmen chakka maarne se pahle warning deta hai ki bhai main chakke maarne wala hoon agli ball me. Ab uski galti hai wo baar baar crease se baahar ho jaata tha to usko out to karenge hi na bhai. Wo baar baar crease se baahar ho jaata tha aap ye niche ki photos me dekh sakte hai wo aisa har baar kar raha tha. 

Fir ashwin ne iss par dhyaan diya aur out kar diya. Waise bhi usko wicket ki jarurat thi aur match jeetna tha. Koi bhi team haarna thodi na chahti hai wo chahta tha ki uski team jeete aur usne apni puri koshish ki hai mujhe nahi lagta hai ki usne kuch bhi galat kiya hai aur main uske saath hoon. 

Ab se dekhna aap wo hamesha crease par hi rahega uss se aage kabhi bhi nahi badhega. Aisa hona jaruri tha maine social media me dekha hai buttler ne aisa pahle bhi kiya hai. Lekin gayle tabhi bowling kar rahe they aur usne out nahi kiya. Aapne wo clip dekhi hai ki nahi nahi to youtube me aisa hi kuch likh kar search karna aap ko mil jarur jaayega.