Salam alaikum saleum lon tuan..
Su oet beurijang wahe teungku droe..
Saleum uloen bi keubandum rakan..
Ubena taulan adun ngon adoe..

Yang pertama phoen lon pujo tuhan..
Yang peujeut alam langet ngon bumoe..
Lengkap ngon isi dum sekalian..
Cit sidroe tuhan wajeb tapujoe..

Seulaweut saleum akan janjungan..
Panghule alam seluruh nanggroe..
Penutup rasul yang kesudahan..
Nabi pilihan untuk geutanyoe..

Hormat ngon takzem bak uloen tuan..
Keubandum rakan sianeuk nanggroe..
Hajat lam hate peuget karangan..
Judul alqur,an hajat beusampoe...

Teu ingat uloen hadis janjungan..
Tentang alqur'an nabi peusampoe..
Meusoe yang kayem baca alqur,an..
Maka ureungnyan rahmat meutaloe..

Leubeh2 lom buleun ramadhan..
Oh wate malam atawa uroe..
Fahla meulipat geubi le tuhan..
Uroe kemudian lam syurga geupasoe..

Tapet pucoek oen tapeuget timphan..
Tacop keubantai gapeuh boh panjoe..
Mari geutanyoe bandum rakan..
Ingat keu tuhan bek tanyoe tuwoe..

Beuseureng tabeut baca alqur,an..
Mangat e rakan nak gleh hate droe..
Peu suci tuboeh peusuci badan...
Suci pakaian mubekna kutoe..

Meunyoe geutanyoe tajak u medan..
Lewat jembatan krueng arakundoe..
Le thay faedah baca alqur,an..
Meubek hai rakan di gata beu oe..

Kasep dile nyoe syair karangan..
Tengtang alqur,an wahe teungku droe..
Meunyoe na silap dan kesalahan..
Meu,ah beurijang wahe gure droe..

Mubek meudosa ngon sidroe tuhan..
Khalikul alam awai ngon dudoe..
Beugeupeujioh bandum siksaan..
Dengen jahannam geutanyoe bek toe..

Terimong gaseh ban bandum rakan..
Get ureung agam atawa binoe..
Dengan wassalam uloen ucapkan..
Akhirul kalam hajat ka sampoe..
sekian dan terimakasih......