The Diary Game Season 3: (February 24, 2022) Pagbisita Ko Sa Henz Place

Kumusta po,

Bilang isang Architectural Draftsman o taga-gawa at taga-guhit ng mga proposed na mga plano ng mga bahay, gusali at iba pang mga desinyong pang arkitekto. Kasi simula't ako'y nagbebenata, ay nakalatay na sa aking mga kaugatan ang may dugo ng pagiging karpentero. Dahil isa ring Foreman ng mga karpentero ang aking ama at palagi akong isanasama sa kanyang mga proyekto. At ng mag kolehiyo ay ito na ang kurso ang aking kinuha. Kaya ay mahilig talaga sa mga pang arkitektong gawain tulad na lang sa ibinabahagi ko po sa inyo ngayon. Gayunpaman ay ibinabahagi ko po sa inyo ngayon ang aking naging diary sa araw na ito. Ang aking pagbisita sa guhit kamay, walang kumpyuter na gamit tulad ng nakasanayan sa ngayon.

Ang ginawa kong plano ng bagong tapos na paupahan na malapit sa tabing dagat. Ito ay ang Henz Place - isang inn o paupahan na kung saan matatagpuan malapit sa tabing dagat dito sa aming probinsya. Pinag mamay-ari ito ng malapit na tao sa akin. Meron itong siyam na mga kwarto na ang bawat isa ay may sariling mga palikuran at maliit na beranda sa may harapan. Na eksaktong pagbakasyunan ng pamilyang may isa hanggang dalawang anak.

Ma-aliwalas ang lugar at malayo sa kabihasnan. Tahimik ang kapaligiran at eksakto talagang magmuni-muni sa sarili. At saktong tanaw-tanaw rin ang ganda ng dalampasigan. Para bang kumakaway sa ganda ng tanawin ng dalampasigan. Bughay ang mga ulap at ang linaw ng tubig dagat para bang kay sarap lumangoy. Sarap talagang pagmasdan at nakaka-enganyong magtampisaw sa tubig alat. Maputi ang buhangin at ang presko ng hangin. Ramdam ang simoy ng hangin ng tubig alat. Siguradong makapagbigay saya sa mga bata na mahilig maligo sa dagat. At saktong-sakto talaga ang lugar na ito para sa mga taong mahilig maglakbay o adbenturero.

Hanggang dito na lang po. Maraming salamat po. Inimbitahan ko sina maam @kyrie1234, @amayphin, @jenniferocco.

Gumagalang,

🙏natz04