තාත්තගේ ආදරේ වෙනස් විදියට ....

ඔබ ඕනෑ තරම් සින්දු අහලා ඇති.සමහර විට ලියලා ඇති.ඒ අහන ලියන සින්දු අතරේ හදවතේ ගැඹුරට දැනුනු ඒවා ඕනෑ තරම් ඇති.මම සාමාන්‍යයෙන් නිතර සින්දු අහන කෙනෙක්.ඒ වගේම හිතට හිතෙන දේවල් ලියන කෙනෙක්.තවත් සමහර වෙලාවට යාන්තම් රිද්මය තියාගෙන සින්දුවක් කියාගන්නත් පුංචි හැකියාවක් තියෙනවා කියලා හිතෙනවා.(අහගෙන ඉන්න අය තමයි එහෙම කියන්නෙ )අලුතෙන් එන සින්දු හොය හොයා අහන පුරුද්දකුත් මට තියෙනවා.එහෙම අලුත් සින්දුවක් හොයපු වෙලාවක හම්බ වුන හිතට තදින්ම දැනුන ,හිතේ පතුලටම වැදුන සින්දුවක් ගැන තමයි මේ කතාව.
මේක ඇත්තටම කවියක් විදියට ලියවුන හරි අපූරු ලියවිල්ලක් .ඉරේශා හේමමාලි කියන කිවිඳිය තමන්ගේ සත්‍ය අත්දැකීමක් පදනම් කරගෙන ලියපු කවියක්.අවසානෙදි ඒක හදවතේ ගැඹුරට තැන් ස්පර්ශ කරන හරිම සංවේදී ගීතයක් බවට පත්වෙනවා අලුත් ගායන ශිල්පියෙකුගෙ හඬින් .රවී රොයිස්ටර් කියන මේ ගායකයා නව පරපුරේ ශිල්පීන් අතර තමා වෙනුවෙන් වෙනම ඉඩක් වෙන් කර ගත්ත දක්ශයෙක්.ගීතයට සංගීතය නිර්මානය කරන්නෙත් ඔහුමයි .
තමන්ගෙ දරුවන්ට වගේම බිරිඳටත් අසීමාන්තිකව ආදරය කරපු උත්තම ගනයේ තත්තා කෙනෙක් ගැන කියවෙන මේ ගීතය නිසොල්මනේ අහන්න.ඔබ ඒකට ඇබ්බැහි වෙන එක නවත්තන්න බැරි වෙයි .ඒ වගේම ඔබ එක නිමේශයකට හරි ඔබේ තාත්තා ලඟට යාවි.

මම මේ ගීතය ඇහුවෙ මේක මගේ කරගෙන...කවදා හරි දවසක මගේ පුතාට මට මෙහෙම කියන්න සිද්ද වුනොත් ඔහුට මේක කොහොම දැනේවිද කියලා මේ සින්දුවෙ වචනයක් වචනයක් ගානෙ මගේ හිතට දැනුනා ..