Pakon Tuwanku Pakek Bahasa Aceh?

Asai gamba: https://www.theodysseyonline.com/letter-parents-your-child-learn-multiple-languages

Aleh na nyang tanyeng aleh hana, hom hai. Pokokjih, seupotnyo, Tuwanku nak peujeulaih pakon Tuwanku pakek bahasa Aceh bak steemit. Pakon Tuwanku han pakek bahasa Indoneh, pu Tuwanku hanjeut? Kapasti jeutlah, kiban cara Tuwanku hanjuet bahasa Indoneh, Tuwanku kon na sekolahan sit bacut. Lheuhnyan, pakon Tuwanku han pakek bahasa Briten? Pu hanjeut bahasa nyan. Kateunte jeutlah, neupike Tuwanku hantom jak u Briten. Tuwanku meunyo London nyan sit ka jeut keu teumpat meuen siuro-uro. Lam siklep siklap Tuwanku ka troeh teuka keunan. Na meuhi eumbong? Kapasti lah eumbong bacut tanyo Raja.

Asai gamba: https://www.language-exchanges.org/ru

Jino meuno, Tuwanku nak peujeulaih peukara bahasa Aceh. Tuwanku tetap pakai bahasa Aceh bak posting steemit. Wate Tuwanku komen atra gop meunan sit. Tuwanku hana balek-balek. Pokoknya bahasa Aceh. Barosa Tuwanku na komen ata awak luwa, meunyo hana salah nan teungku nyan stepenkendal. Tuwanku tetap pakek bahasa Aceh wate komen bak stepen. Ngon si ned pih Tuwanku kayem meututoe bahasa Aceh. Jadi nyankeuh meunan piasan Tuwanku.

Bak steemit nyo na sit Tuwanku kalen awak nyo teumuleh lam bahasa Aceh, teuman wate dikomen atra gop kadipakek bahasa Indoneh atawa bahasa Briten. Teuman kon lakluk ureung meunan. Sige sapu. Sige meuno, sige meudeh. Meunyo Tuwanku hana jak balek-balek. Mandum Tuwanku takat ngon bahasa Aceh. Ka meuphom Alhamdullah, hana meuphom keumah jih keudeh. Han ek Tuwanku jak peuturot.

Di geutanyo nyo memang kadang-kadang leumoh that akai. Yo keu gop. Yo keu awak pakek bahasa Indoneh, pu lom keu awak luwa, ladom awak geutanyo sit diteubit i'ek-i'ek lam siluwe. Ladom sit dipo ciret. Nyan dumnan yo. Tapi Tuwanku hana yo ke awak laen. Tuwanku teutap peutheun bahasa dro. Tuwanku bangga ngon bahasa dro.

Asai gamba: https://www.mergersandinquisitions.com/languages-investment-banking/

Jino Tuwanku bi contoh, paken wate awak Barat peugot postingan di awak geutanyo dijak komen ngon bahasa Barat. Pakon pakon? Sabab yo jih meunyo di komen bahasa aceh teumakot awak Barat hana meuphom. Adak meudeh kon beu ade, wate geutanyo peugot posting awak Barat kon jeut sit dikomen ngon bahasa Aceh nak meuphom geutanyo. Tapi pakon hana dipeubeut meunan? Na neuteupu? Sabab awaknyan bangga ngon bahasa drojih. Tapi tanyo malee ngon bahasa dro. Nyan meunan awak lawetnyo. Adak meudeh awak Barat kon jeut sit neumuruno bahasa Aceh nak jeut dikomen ata tanyo. Tapi na meunan dipeubut? Hana mak ngon ayah.

Jadi mulai uronyo pakek bahasa dro ju wate posting ngon komen. Yang jawa pakek bahasa Jawa, yang kalimantan pakek bahasa Kalimantan, yang dayak pakek bahasa dayak, yang Sulawesi pakek bahasa Sulawesi, yang Irian pakek bahasa Irian, yang Maluku pakek bahasa Maluku. Bah geutanyo maseng-maseng tajaga bahasa dro teuh bek punah ateuh rueng donya.

NYan meunan haba nibak Tuwanku seupotnyo.