Pagmamahal

image source

Isang salitang kay daling baybayin—
Ngunit kapag naramdama'y tila'y kay hirap alisin.
Ano nga ba ang tunay na kahulugan?
At bakit kakubli nito ang sakit kapag ito'y naramdaman.

Ang pagmamahal ay tunay na kay ganda—
Maging sa pandinig ito ri'y kaaya-aya.
Ngunit di lahat ay napapantayan ang nadarama—
Kaya ito'y nagsasanhi ng sakit sa taong sana'y nakakaramdam ng saya.

Pagmamahal na sa ati'y tunay na mahalaga.
Sa bawat tao'y nagdudulot ng ligaya.
Kahit minsa'y dahil dito'y puso'y nagdurugo—
Gayun pama'y dahil rin dito'y tayo'y kusang tumatayo.

Pagmamahal na sa puso'y nararamdaman.
Sana'y iparamdam ng walang halong biro at alinlangan—
Pagkat ang pagmamahal ay mas higit pa sa espesiyal.
Dahil ito'y makapangyarihan tulad nang isang dasal.

image source

Ikinagagalak kong maipakita ko sa inyo ang aking munting handog na pyesa para sa pagmamahal. Sana ay magustuhan niyo nang husto para naman ako'y matuwa.