المبروشة أو حجارة القلعة

نوع من أنواع الحلويات الشرقيه والغربيه وكتير مشهورة عنا في بلادنا وبنعملها وقت المناسبات البيتية والعائلية السعيدة وكتحلاية بعد كل وجبة من وجباتنا يلي بنتناولها في البيت وممكن نضعها في سهراتنا الليلية ولو حبينا نعملها للضيوف لمن

نروح نزورهم وطريقتها بسيطة وحلوة و وسهلة والمكونات ولا أسهل منها عبارة عن دقيق وزيت دوار الشمس أو أي نوع زيت طعام ولو حبينا نعملها في السمنة كمان بتظبط معنا وبيكنج باودر والبعض يضع البيض أنا لا أحبه وفانيلا وسكر حسب الرغبة وشو بنحبها كتير سكرها أو خفيف عادي ما بأثر معنا بنقدر نخفف ونزود

المقدار يلي بنحبها ومربى نوع يكون طيب ونظيف لأنها بتعتمد على زكاوة المربى وجودته والأفضل مربى فراوله أو مشمش أو تين ولو وضعنا أي طعم ونوع كمان ما بغير معنا شيئ هي وصفة على قد الإيد وبنحضر الوعاء وبنضع عليه الدقيق ومن ثم الملح رشة بسيطة جداً لتعدل الطعم والبيكنج بودر وإذا بدنا نضع بيض

بنضعه والسكر يكون ناعم مطحون وبنحركهم ومن ثم نضع بالزيت تدريجيا ونبسبس بأطراف أصابعنا أهم حاجة البسبسة حتى يتفتح الدقيق معنا والزيت يفوت بكل الحبات ومن ثم نحضر صينية الفرن وندهنا بالزيت ونفرد ثلاثة أرباع العجينة والربع الباقي نضعه في الفريزر نصف ساعة ومن ثم نفرد المربى فوق العجينة يلي بالصينية ومن ثم بعد ما بردت العجينة يلي في الثلاجة نخرجها ونبشرها فوق المربى وتدخلها الفرن محمى مسبقا يكون درجة حرارة مئتان وخمسين من تحت الشعلة ومن ثم من فوق وبعدين نطفئ الفرن لمن تتحمر وتاخد لون معنا الصينية

الصور من تصويري