The Stars Can Shine in the Hearts| 5% to SL Charity

ඒ වගේම තමයි පත්තායම වී මනින්න, මේ අනන්ත රාත්‍රියේ වගේ ගීත වල තියෙන ආදරය පුදුම විදියට සුන්දරයි. උගත් නූගත් හැම මනුස්සයෙක්ගෙම හිත ඉක්මනට අල්ලගන්නවා. එහෙම වෙනකොට සංගීතය කියන්නෙ ඇත්තටම විශ්වීය භාශාවක් වෙනවා. මම හිතනවා දමිත් අසංක කියන්නෙ ඒ විදියට මිනිස්සුන්ගෙ හිත් ඇතුළෙ නවාතැන් ගත්ත ගායකයෙක් කියලා.

දමිත් අසංකගෙ ගීත වල පරාසය අහසක් වගේ. සාමය, සහජීවනය, ආදරය, ගැමි සුන්දරත්වය, සොබාදහම ඒ හැමදේම තියෙනවා. ඉතින් එහෙම අහසක් වගේ ලොකු පරාසයක් හදලා දුන්නු ගී පද රචකයන්ට, සංගීත නිර්මාපකයන්ටත් ඒ ගෞරවය ලැබෙන් ඕනේ. සමහර තනු නිර්මාණ පරම්පරා ගානක් වුණත් සැනසිල්ලෙ රස විඳීවි. ඒ තරම් රසයක් ඒවයේ තියෙනවා.

දමිත් අසංක ගැන ලියන්න හිතුවෙ උඩින් මම ලියලා තියෙන ගීත හින්දම නෙමෙයි. මීට කලින් අහලා තිබුණෙ නැති මෙන්න මේ ගීතය මම ඇහුව හින්දා. ඒක හරිම ලස්සන එකක්.

ඒත් එක්කම මට මතක් වුණා මේක විතරක් නෙමෙයි තව ගොඩක් තියෙනවා කියලා! මෙන්න මේ හේතුව හින්දා දමිත් අසංකට මිනිස්සු ආදරෙයි කියලා මට හරියටම කියන්න බැරි වුණත් ඒ ආදරේ මිනිස්සු ගොඩ අතරෙ මමත් ඉන්නවා කියලා මම දන්නවා!