#63 - Pantoen Aceh | Keunangan Ngoen Teungku
Teungku Mulia nama sahabat lon
Ureung that santoen watee bersua
Hana meu gasa hana meu alon-alon
Oh neu meu pantoen cukop meurasa
Peci teu pakek teu top lam ubon
Assalamualakum oh ban teuka
Awai getnyan brie oh merempok ngon lon
Hantom awai lon oh ka meutatap muka
Awai dilee kana meu padum thoen
Getnyan deungon lon sapat neuh dua
Menuntoet agama serta ileume santon
Bak Teungku Abon di likoet rumoh sikula
Rumoh sikula ngon dayah Aboen
Lagee saboh panggong meupisah dua
Meupisah ngon pageue bak si doeng-doeng
Han kureung santon bak mita ilmee agama
Oh noe dilee haba lon rawoen
Sejarah ulon ngon teungku mulia
Bek gadoeh agama, etika meu santon
Lam tuboh lon beu sabee geu jaga
Meu - Panton
Posted from my blog with SteemPress : https://meupanton.000webhostapp.com/2018/08/63-pantoen-aceh-keunangan-ngoen-teungku