පලක් නැති කඩදාසි කොළය තොප Just a pile of useless papers/5% SL Charity

නිරතුරුව හඹා ගොස්
සතු කරගන්ට වෙර දැරූ
දෙයක් වෙද තොප තරම්
මනු සතුන් ලොල් වැඩූ

හීන ඇහිඳිමින් ගිය
අතුරු මං පෙත් දිග
යස ඉසුරු හමු වුණි
මිනිස්කම් ගිලිහුණි

දුර ඈත අතීතයෙ
තාත්⁣තේ කියූ අය
යළි සොයා දෙන්නෙකුට
වත්කමෙන් අඩක් දෙමි

ගත සවිය සිත දිරිය
ගිලිහී ගොසින් ලිහී
රුදුරු මරු ලුහු බඳින
බරැති පා හඬ ඇසේ

තව කුමන පල ද යලි
අරඹමි නොනිමි ගමන
ඉගිල යනු රිසි අතක
මුදු පවන හා වෙලී

--- චාම් ----

Source of image;dreamstime.com