How you go dey calculate small tax for one year

---

You know say everytime way X kom loss, them go say make you find x. And this X no day like to dey stay one place at all.

For this 2026 way we don enter so, make you by tax calculator, and if you no dey like like maths, make you forgive am, call am join body small small because tax and maths nah 5 and 6.

If you no dey like to find x, I no know how you go dey do. But you go still buy calculator, follow the press-press am small.

Wetin we go dey calculate

Any money way enter your account way them call say income or profit or gain from any kind runs way you dey Nigeria dey do, as far as you dey Nigeria dey make the money, even if nah online, you go pay tax for every money way enter any of your accounts.

Government say them go komot money for some things for you. Make I explane.
After way them don add all the money way enter your account as profit or gain, them go komot the money way you pay as house rent for that yearway be 20%. That 20% no get to big pass ₦500,000 and you go show receipt before them komot am for you.

Tax get levels

After way them don add all the money way enter all the diffrent account way you get for one year, and them komot something for you.
Them divide this tax level by level and the table way I put down here dey show wetin you go dey pay depending on the money way been enter your accounts.

All Money way remen	Tax level %
₦800,000	0%
₦2,200,000	15%
₦9,000,000	18%
₦13,000,000	21%
₦25,000,000	23%
₦50,000,000	25%
way pass M50₦	25%

Komot the calculator kom

As the year want end so, you go go your bank go collect you account statement for the year. Nah the account statement go show all the money way enter your account.

We kom add all the money way enter your account and we see say nah ₦1,220,000 (One Million, Two Hundred and Twenty thousand naira only. For the whole year.

You use the money and you get receipt way say you pay ₦320,000 for rent.

For your tax, you go bring the ₦1,220,000 way enter your accounts

Komot the ₦320,000 way you pay as rent that year

E remen ₦ 900,000.

We go take the 900,000 go that table way we get up there.

From the 900,000 way remen, E big pass the first tax level. we go komot 800,000 way be the first tax level for the table.

900,000 - 800,000 = 100,000

We go keep the 100,000 aside
kom find 0% of 800,000

0% × 800,000

From the first 800,000 you go pay 0 (Zero Naira)

Then that 100,000 way we been keep, carry am kom.
The 100k no rich the second tax level
So nothing to komot from the 100k

Make we kom find 15% of the 100,000 way remain now

From the 100,000 wey remain you go pay 15,000 Naira

The Tax level	Level %	You go pay
₦800,000	0%	₦0
₦2,200,000	15%	₦15,000
₦9,000,000	18%	-
₦13,000,000	21%	-
₦25,000,000	23%	-
₦50,000,000	25%	-
way pass M50₦	25%	-
Total Tax for the year		₦15,000

So person way get ₦1,220,000
Way pay ₦320,000 for rent
Go pay only ₦15,000 as tax for that year.

For this one, nah only rent way government kom komot, and the rent nah 320k according to the receipt. Other boku-boku things dey way government go they count komot apart from your rent. Nah for another post way I go press that one put for calculator.

@alexanderpeace, @ninapenda,
@okere-blessing, @sadematthew,
@ruthjoe and @rubee2as1
@dequeen

Media Credit

Composer	@manuelhooks
Captured with	Galaxy-A15
Posting Date	Friday 02 January
	(@) 2026