Time don finish, waitin we go do?

---

Make I show you where you go take start this tax thing. Nah inside one small space way day for that bank app way you dey use every time dey send money. Nah that small place carry all the kasala way dey for this tax matter, and nah for that same place way the solution kom day.

Look for down here make I show you.

You see this place way them write say Enter Naration, just make sure say you no leave this place empty when you dey send money and when person dey send money give you.
Nah the thing way them write here go make may you pay tax and the thing way them write here fit also kom make may you no pay tax at all at all for that money...

When any money enter your account, nah the thing way them write here go make may government tax you. And E get thing way person fit write there and government no go kom they tax-tax you for that money.

One simple example nah money way person kom dash you. Government no dey collect tax for money way person dash person, but government no go know say nah dash in dash you, if the person no write am say nah dash in dash you the money.

That place way I show you so fit carry small story, so make you take your time write somthing put for that place.

Now, If I kom dey yarn you say me I don get all the zero, sey nah only the number way I go put for front way I want you to send give me.

When you kom send the money, for the naration place, Abeg Ooh! make you no keep that place empty, write am say gift to manuelhooks or supporting a family member.

When them see say nah dash you dash me, them no go tax me.

Some Other things day way no day carry tax, if you pay small rent give your landlord And for that space you kom write say rent money to landlord, government no go charge tax for your landlord because of that money.
School fees, hospital money and money way you pay for drugs, garri, fufu or beans no carry tax .

Them call that kind money say non taxable income.

I think sey May be we go they tell person say, this nah wayting you go write for that money ooh! Make E no go dey write kasala put for there way go make may I dey pay-pay tax anyhow.

Make you dey label your transactions. E go make things dey easy small for everyone before we kom enter book keeping.

@alexanderpeace, @ninapenda, @okere-blessing and @rubee2as1

Media Credit

Composer	@manuelhooks
Captured with	Galaxy-A15
Posting Date	Wednesday 31 December
	(@) 2025