Marbel Beach in Trinco

ත්‍රිකුණාමලයේ තියෙන ප්‍රසිද්ධම මුහුදු තීරයන් දෙකක් තමයි නිලාවේලි සහ මාබල් කියලා කියන්නෙ. මට මේ දෙකෙන් අංක එක දෙන්න පුලුවන් මාබල් beach එකට. මාබල් බීච් එකට යන්න ටිකක් කැලේ ඇතුළින් වගේ යන්න ඕනෙ. ඒ යන පාරෙ No Stopping Boards දාලා තියෙනවා. ඒ හරියෙ beach එකේ රළ නගන්නෙ නෑ. ඇත්තටම කිව්වොත් මුහුදකට වඩා වැවක් වගේ. අනුරාධපුරේ පැත්තෙ තියෙන වැවක් වගේ.

මාබල් beach එකට කොච්චර ප්‍රසිද්ධ ද කියලා එතනට ගියාම තේරෙනවා. Beach එකේ ඉඳන් සෑහෙන්න දුරකට ඇතුළට යන්න පුලුවන්. යන්න පුලුවන් සීමාව ලකුණු කරලා තියෙනවා. පීනන්න බැරි වුණාට බය වෙන්න දෙයක් නෑ. මුහුද වතුර කවදාවත් ඔයාව ඇතුළට ගන්න try කරන්න්ඩ් නෑ. ඒක හැමවෙලේම උත්සාහ කරන්නෙ ඔයාව උඩට තල්ලු කරන්න. මේක මං බය වෙන හැමවෙලාවෙම අහන දෙයක්.

අපි ගොඩාක් වෙලා මුහුදෙ ගිලිලා හිටියා. නාගන්න තැනක් තියෙනවා තමයි. හැබැයි ඒ නාන්න වෙන්නෙත් ලුණු වතුරම තමයි. ඉතින් කොහොම හරි ඒ ලස්සන මුහුදු තීරයටත් Good Bye කියලා අපි එන්න පිටත් වුණා.

ඊට පස්සෙ මම ඔයාලට කියන්නම් මං ආපහු එන ගමනෙ මං දැක්ක ලස්සනම දේ. වෙලාව හවස හයට විතර ඇති. මුහුද හරිම නිස්කලංකයි. ඉර බැහැලා ගිහින්. ඒත් ලස්සන ලස්සන පාට ක්ශිතිජයේ ඉතුරු වෙලා. අපි එතන නැවතුණා. එතන හිටිය photographer කෙනෙක්ගෙ කැමරාවෙ අපිවයි අර ලස්සන අහසයි මුහුදයි capture වෙලා තිබිලා එයා අපිට ඒක දුන්නා.

ඒ ලස්සන හැන්දෑව ඉවර වෙලා යනකම්ම අපි ඒ ඒ හැන්දෑවත් එක්ක හිටියා!