අසම්බන්ධිත මීයා

සුබ දවසක් ස්ටීමිට් යාලුවනේ. ඔයාලා ඔක්කොම හොඳින් ඇති කියලා හිතනවා. මම අද කතා කරන්න යන්නෙ මේ ස්ටීමිට් වේදිකාවේ ඉතාමත් සුවිශේෂී චරිතයක් ගැනයි. ඒ තමයි අපි කවුරුත් හඳුනන එහෙත් නන්නාඳුනන අභ්‍යවකාශයේ අඳුරු කුටීටරයක ඉදන් මේ ස්ටීමිට් වේදිකාව දිහා බලන් ඉන්න විසන්දි වූ මීයා නොහොත් @disconnect මේ ස්ටීමිට් වේදිකාවේ ඔහු ඉටු කරන්නේ ඉතාමත් සුවිශේෂී මෙහෙවරක්.

_Link

අපි හැමෝම ස්ටීමිට් වෙත එන්නෙ ක්‍රිප්ටො වෙලඳපොලේ එක පියවරක් හරි ඉදිරියට යන්න හිතාගෙන. එහෙම ඇවිත් ආයෝජනයකින් තොරව ඉදිරියට යෑම ලිපි පලකිරීමේ සම්භාවිතාවට අනුලෝමව සමානුපාතිකයි කියලා අපි හැමෝම දන්නවා. ඉතින් එහෙම ලිපි පලකරද්දි අපේ ලංකාවේ මේ කමියුනිටි එකේ හැර අනිත් කමියුනිටි වල ලිපි පලකරද්දි අපිට හිතුනු මාතාවක් යටතේ ලිපි ලිවීමෙන් සාර්ථක ප්‍රතිඵල ලබා ගන්න අමාරුයි කියලා හෝඩියේ ඉදන් ආපු මම අත් දැකීමෙන්ම දන්නවා. ඔයාලටත් ඒ අත්දැකීම ඇති. ඉතින් එහෙම ලියද්දි අපිට ඒ ඒ කමියුනිටියේ නීතී රීති වලට අනුව කන්ටෙස්ට් වලට ලියන්නම වෙනවා. ඉතින් ඒ කන්ටෙස්ට් දිනපතා හොයාගන්න එක ටිකක් අමාරු කටයුත්තක්. ඒ ගැටලුවට විසඳුමක් විදිහට මගේ කථාවේ කථානායකයා @disconnect හරි අපූරු වැඩක් කරනවා. ඔහු දිනපතාම සියලුම කමියුනිටි වල යාවත්කාලීන වන සියලුම කන්ටෙස්ට් එකතු කරලා එක ලිපියක් පලකරනවා. ඒක අපි හැමෝටම ලොකු සහයෝගයක්. කොටින්ම කිව්වොත් ඒ ලිපි මට ලොකු උදව්වක් වුනා. ඉතින් මේ කවි පෙල ඔහුගේ මෙම උපකාරයට උපහාරයක් වශයෙන් පල කරමි.

ඔක්කොම තරග ටික එක්කර එකට කර
දින දින ගේනවා අතටම නොමැත දුර
අගයනු පිනිස ඔහුගේ මෙම සහය හර
පබදිමි මෙහෙම පදවැල් මම අකුරු කර

දුටු දුටු දේම කා දමනා ලොකුම විනේ
මීයන් කිව්ව විට තරහක් හිතට දැනේ
එනමුත් මෙකී මීයා නැත එකී තැනේ
දෙන සහයටම පැලවී ඇත හිතක කොනේ

දුර ආකහේ කළු කුහරෙක තුලට වෙලා
නිතරම ස්ටිමිට් මාවත දෙසම බලා
පෙරටම ඇදෙන ගංගාවක් විලස ගලා
මිනුමට ඔබේ මෙහෙවරෙ බර නොමැත තුලා

පතනෙමි ඉදිරියත් ඔබ හට සුබ වෙන්න
තව තව දිරිය වේවා පෙරටම යන්න
මේ පොඩි එකෙක් දුන් තුති මල් පිලිගන්න
මීයෝ හෙටත් අපගේ සහයට එන්න

මොහුගේ මෙම ක්‍රියාවෙන් අපිට ඉගෙනගන්න ලොකු පාඩමක් තියෙනවා. මම පොඩි උදාහරනයකින්ම පැහදිලි කරන්නම්. හිතන්නකො අපේ ලංකාවේ එකෙක් කෑම කඩයක් දැම්මා කියලා. එහා වැටේ එකා බලන්නෙ ඊට වඩා ලොකු කෑම කඩයක් දාන්න. අන්න එතනයි අපිට වැරදුනේ. අලුත් දෙයක් හිතන්න උත්සහා කරන්නෙ නෑ. අද මේ අපේ කතාවේ කථනායකයා එහෙම අලුතින් හිතලා දෙයක් කරපු කෙනෙක්. ඔහු ඒ තුලින් අද සාර්ථක වෙලා තියෙනවා. ඉතින් මේ ඔහුගේ ආදර්ශය උපුටා දැක්වීම හා ඔහුගේ සහය ඇගයීමේ ලිපිය මෙතනින් අවසන් කරමි. ඉතින් අසම්බන්ධිත මීයෝ ඔබ හැමදාම අදුරු ගුහාවෙම හැංගිලා ඉදන් මෙහෙට එන්න. ඔබට ජයෙන් ජයම වේවා!