CERITA LAMEU

Mnye Tajak ek u glee kuwet that gaki
Leubeh get tajak u pasi ta maen bola
Assalamualaikum lon sapa wahee akhi
Dan lom keu saudari sereuta keurakan dumna.

Mnye na salah narit lon peuphon
Meuah wahee kaom bandum syedara
Nibak uroenyo lon tes mental lon
Lon jak meupanton lon karang haba.

Megah that nama jinoe di Sigli
Bak bineh gaki Glee gapui nama
Lewat Unigha belok u Wie
Bak tempat nyan keuh akhi favorit aneuk muda.

Dibuka oh watee supot
Di top kadang poh-poh dua
Inan biasa tempat leumang di teot
kupi weng peuneutop keu pelengkap rasa.

Oh ka malam ureung meulempah jai
Ukuran Han selesai sang tapreh antrian
Nyan ban bereh tempat pih hana bakai
Teukeudi pih meuhai sang ka sepadan.

Teuma Keude nyan katrep that inan
Lameu geuboh nan Lee ureung tuha
Mnye na watee na kesempatan
Jeut beurangkajan neujak tes rasa.

Meunye neujak, jeut ulon saran
Bek malam peukan, dum that manusia
Neujak lah bak selaen nyan
Mangat neuduk simpan jeut neutrak haba.

Nyan saboh dari dum-dum tempat
Yang ulon tupat ka meusyuhu nama
Keu rakan dumna kajeut meurapat
Nyoe tempat hayeu that, lon ucap selamat mencoba.