အောက်ချင်းငှက်သစ္စာ

---

ထမံသီဘေးမဲ့တောမှ ကျက်စားခဲ့ပေမယ့် မုဆိုးလက်ကို ကျရောက်ခဲ့ရတယ်လေ
ဒါပေမယ့်ကျမတို့ မောင်နှံကို
လူတစ်ယောက်က လက်ပြောင်းယူသွားတယ်
သူက ကယ်တင်တာလား
ဖမ်းချုပ်လိုတာလား ကျမမသဲကွဲခဲ့ပါဘူး

သူ့ ရဲ့ ငှက်ခြံထဲမှာ ကျမတို့ ကို နေစေခဲ့တယ်
ဘယ်နေရာဖြစ်ဖြစ်ပါကွယ်
မောင်သာရှိနေရင် ကျမကနေပျော်တယ်

''ကျမမှာ ကိုယ်ဝန်ရှိနေပြီမောင်ရယ်''လို့  ပြောခိုက်မှာ မောင်တုံ့ ပြန်လာတဲ့ ပီတိပြုံးတွေဟာ ကျမကို အင်အားသိပ်ရှိစေတယ်...
ဘယ်တုန်းကမှ မခွဲခဲ့ဖူးတဲ့ မောင်နဲ့  ကျမဟာ ရင်သွေးလောင်းလေးတွေအတွက်
ခွဲရလိမ့်ဦးမယ်လေ

ကိုယ့်ရင်သွေးကို သူများလာစားမှာစိုးလို့  လာရန်မှုမှာစိုးလို့  လုံခြုံတဲ့ တစ်နေရာမှာ ကျမ မီးဖွားမှရမယ်

သခင်လို့ ပဲသတ်မှတ်ရမယ့်သူဟာ
ကျမတို့ အောက်ချင်းငှက်သဘာဝကို နားလည်ပုံရတယ်...
ကျမတို့ မျိုးနွယ်တွေ မီးဖွားလေ့ရှိတဲ့ သစ်ခေါင်းလေးတွေ စီမံပေးထားတယ်လေ

''မောင်ရေ မိန်းမ မီးဖွားမယ့် သစ်ခေါင်လေး ရွေးရအောင်''လို့  ဆိုတဲ့အခါ မောင့်အမူအရာဟာ သိပ်တက်ကြွနေတယ်

ဂျီးများတယ်လို့ မထင်ပါနဲ့ မောင်ရယ်
မောင်က ကျမနေသာအောင် သစ်ခေါင်းခပ်ကျယ်ကျယ်ရွေးပေးချင်ပေမယ့် သစ်ခေါင်းကျယ်နေရင်
ပြန်ပိတ်ဖို့ သိပ်ခက်တယ်မဟုတ်လား
အခြားသတ္တဝါတွေရဲ့ ရန်ကိုလည်း မိန်းမသိပ်ကြောက်တယ်
ခပ်ကျဉ်းကျဉ်းသစ်ခေါင်းတစ်ခုသာ ရွေးလိုက်ပါမောင်ရယ်
မိန်းမနေနိုင်ပါတယ်
ရင်သွေးလေးတွေ အန္တရာယ်ကင်းကင်းကြီးပြင်းစေဖို့ 
ကျမလေးလ လောက်တော့အနစ်နာခံရဲပါတယ်

သစ်ခေါင်းထဲမှာ လေးလလောက် ပိတ်မိနေမယ့်အဖြစ်ကို မောင်ကသနားနေတာလား
မိခင်တစ်ယောက်ရဲ့
စွန့် လွှတ်အနစ်နာခံမှုကို
လေးစားဦးညွှတ်နေတာလား

သစ်ခေါင်းထဲကို ဝင်ပြီးချိန်မှာ သစ်ခေါင်းကို ပြန်ပိတ်ဖို့  မောင်နဲ့  ကျမကြိုးစားကြတယ်....
မောင်နဲ့ ကျမကိုယ်ကထွက်တဲ့
ဇီဝပစ္စည်းတွေနဲ့ အပေါက်ကို ပိတ်တယ် မောင်အစာလာပေးလို့  ရအောင် နှုတ်သီးတစ်ဝင်စာ အပေါက်သေးသေးလေး ချန်ထားတယ်

ယုံကြည်မယ်မောင်ရယ်
ကျမနဲ့ ကလေးတွေရဲ့အသက်ဟာ မောင့်လက်ထဲမှာပါ
ဒီအမှောင်ထဲမှာ ကျမလေးလလောက်နေရလိမ့်မယ်
ကိုယ့်ကိုယ်မစောင့်ရှောက်နိုင်သေးသ၍ ကလေးတွေကို ကျမရဲ့ရင်ထဲမှာပဲ ထားရလိမ့်မယ်လေ

မောင်ဟာ နေ့ တိုင်း အချိန်တိုင်း ကျမဆီကို အစာတွေလာပေးတယ်
ကျမဥနှစ်လုံးဥတဲ့သတင်းကို မောင့်ကို ပြောပြတော့ မောင် သိပ်ပျော်သွားပုံပဲ
ပျော်နေတဲ့ မောင့်မျက်နှာလေး မြင်ချင်လိုက်တာကွယ်

ခုဆိုမောင်ဟာ သူ့ သားသမီးတွေအတွက်ပါ
အစာပို ရှာနေရပြီလေ

''မိန်းမရယ် ထွက်ခဲ့ပါတော့ မင်းလည်း မွန်းကြပ်လောက်ရောပေါ့''လို့  မောင်ပြောတုန်းက ကျမ ခေါင်းမာ ငြင်းဆန်ခဲ့တယ်
ကလေးတွေ သန်မာလာမှ ကျမထွက်ခဲ့မယ်

သူ့ ဘက်ကြည့်တော့လည်း
ဟုတ်ပါတယ်လေ
သူ့ က 'မ'ခင်လို့  ဥကိုခင်သူမဟုတ်လား
အပြစ်တော့မတင်ရက်ပါဘူး
သဘာဝတရားက မိခင်စိတ်ဆိုတာကိုသာ အင်အားကောင်းစွာ ဖန်တီးထားပေမယ့် ဖခင်စိတ်ဆိုတာဟာ
လျော့တိလျော့ရဲမဟုတ်လား

နောက်နှစ်ပတ်လောက်နေရင် ကျမထွက်ခွင့်ရတော့မယ်
ချီးပါသေးပေါက်က အစ
စည်းစနစ်ရှိဖို့  ကလေးနှစ်ကောင်ကို
ကျမက သင်ပေးနေရပြီ
ဒီအိမ်မှာနေပြီး ဒီအိမ်မှာ မစင်စွန့်  ချင်လို့ ဖြစ်မလား
သစ်ခေါင်းအစွန်မှာ
မစင်စွန့် ခိုင်းတယ်
ကျမတို့ မျိုးနွယ်ကိုက ဥာဏ်ရည်မြင့်တာမို့  ကလေးတွေက လိမ္မာရေးခြားရှိကြပါတယ်

မောင့်ကိုမျှော်ရင်း ကလေးတွေကို သင်စရာရှိတာသင်ပေးနေတယ်
မောင်လာရင် နှစ်ပတ်လောက်ပဲ လိုတော့တယ်မောင်ရဲ့လို့  ချွဲချွဲနွဲ့ နွဲ့  လေးပြောပြချင်တယ်

ဒါပေမယ့်မောင်ရောက်မလာဘူး
သုံးလကျော် လင့်ဝတ္တရား ဖခင်ဝတ္တရား ကျေခဲ့တဲ့မောင်ဟာ ဒီနေ့ နောက်ကျနေတယ်
ဆာလောင်မွတ်သိပ်မှုထက်ပိုပြီး မောင့်အတွက်စိတ်ပူမိတယ်
မောင်ဘေးဒုက္ခများရောက်နေသလား
ဘယ်တော့မှ သစ္စာမမဲ့တတ်တဲ့မောင်ဟာ ဒီလိုနောက်ကျနေတာ ဘေးတွေ့ နေလို့ ဖြစ်မှာ

ကျမနေ့ တိုင်းပူဆွေးနေမိတယ်
ကျမနဲ့ ကလေးတွေကို ဘယ်သူက အစာကျွေးမှာလဲ
ဘယ်သူက အပြင်ထုတ်ပေးမှာလဲ
ကလေးတွေလည်း ဆာနေရော့မယ်
ဒါပေမယ့်မိခင်တစ်ယောက် မာန်ကိုတင်းရင်း ကျမရှင်သန်ဖို့  ကြိုးစားခဲ့တယ်

မောင်ရောက်မလာတာ တစ်ပတ်လောက်အကြာမှာ
သစ်ခေါင်းဝကို အစာတွေလာချပေးတယ်
သခင်ဆိုတဲ့သူပေါ့
ကျမမာနကြီးပြီး မစားလို့ မရဘူး
ကလေးတွေအတွက် ကျမ ရှင်သန်ရဦးမယ်
သူတို့ လေးတွေကို အစာရှာတတ်ဖို့  သင်ပေးရမယ်
ပြန်တတ်ဖို့ သင်ပေးရမယ်

ထွက်ဖို့ အချိန်စေ့တဲ့နေ့ မှာ ကျမ တစ်ယောက်တည်း အင်အားနဲ့ သစ်ခေါင်းကို ပြန်ဖွင့်ဖို့  ကြိုးစားနေမိတယ်
သခင်သာ လာမကူရင် ခက်ရချည်ရဲ့
သခင်ကလည်းလာကူဖွင့်ပေးရှာပါ
တယ်

အပြင်လောကနှဲ့ ပြန်ထိတွေ့ တွေ့  ချင်းမှာ
မောင့်ကို လိုက်ရှာမိတယ်
ကျမတို့  ပျော်ခဲ့ဖူးတဲ့နေရာလေးမှာ မောင့်ကိုလိုက်ရှာတယ်
ဒါပေမယ့် မောင်မရှိတော့ဘူးဆိုတာ ကျမလက်မခံချင်ဘဲ လက်ခံလိုက်ရတယ်

ကလေးတွေကို အပျံသင်ပေးတယ်
အစာရှာသင်ပေးတယ်
သစ်ခေါင်းထဲကထွက်ပြီး တစ်ပတ်ပြည့်တဲ့နေ့ မှာ ကျမဆုံးဖြတ်ချက်တစ်ခုချခဲ့တယ်

နောက်ဆုံးအနေနဲ့  ကလေးတွေကို အားရအောင်ကြည့်တယ်

သနားစရာကောင်းလိုက်တဲ့ကလေးတွေရယ်... မေမေ မင်းတို့ ကို ခွဲသွားတော့မယ်ဆိုတာ နည်းနည်းမှ မရိပ်မိဘူးလား...
ငှက်တစ်ကောင်ဟာ ငှက်တစ်ကောင်လို ငိုပစ်လိုက်တယ်

အမြင့်တစ်နေရာကို ကျမ တရှိန်ထိုးတက်သွားတယ်
အမြင့်ရောက်တဲ့အခါ
''မောင်ရေ ကျမလိုက်လာပြီနော်''လို့  ဟစ်အော်လိုက်ရင်း
မြေပြင်ပေါ် အရှိန်ပြင်းစွာ ခေါင်းစိုက်စင်းခဲ့တယ်

မိခင်တာဝန်ကျေအပြီးမှာ
မယားတာဝန်လည်း ကျေခဲ့ပါတယ်မောင်ရယ်

ငှက်အသေတစ်ကောင်ကို လူသားတွေမြင်တဲ့အခါ အဲ့ဒိငှက်ရင်ထဲက မေတ္တာတရားနဲ့  သစ္စာတရားကို မြင်မှ မြင်ပါ့မလား