စိတ်ဓာတ်
လူတစ်ယောက်ဟာ ဘယ်လောက်ပဲဆင်းရဲဆင်းရဲ စိတ်ဓာတ်မဆင်းရဲဖို့အရေးကြီးပါတယ်။ ဘဝဆင်းရဲတာကိုခုတုံးလုပ်ပြီး စိတ်ဓာတ်ကျဆင်းအောင်မလုပ်သင့်ပါဘူး။ လူဆင်းရဲတာချမ်းသာဖို့ ကြိုးစားရင်ရပါတယ်။ စိတ်ဓာတ်သာဆင်းရဲနေမယ်ဆို ဘဝတစ်လျောက်လုံး မီးလိုပူတဲ့ဘဝကိုပဲရလိမ့်မယ်။ မိမိဘဝဆင်းရဲမှုကြောင့်စိတ်ဓာတ်တွေပြင်းထန်ပြီး မျက်စိကန်းတဲ့သူလိုကြိုးစားမယ်ဆို မကောင်းမှုဘက်ကိုရောက်သွားလိမ့်မယ်။ လွယ်လွယ်နဲ့ပိုက်ဆံရှာတာကို နှစ်သက်တဲ့သူတစ်ချို့က ဘဝခရီးရဲ့သေတွင်းထဲကိုခုန်ချသလိုမျိုးပဲ။ ကိုယ်လုပ်တဲ့အလုပ်ကတစ်နေ့ကိုဘယ်လောက်ရလဲ။ နောက်နေ့ဒီထက်ပိုရအောင်လူပ်မယ်လိုတွေးမိရင်တော့ အလွယ်လမ်းဘက်ကို ရောက်သွားလိမ့်မယ်။ ဘဝဆိုတာ တိုတောင်းလွန်းပါတယ်။ ဒီလိုတိုတောင်းတဲ့ဘဝမှာစိတိဓာတ်ကိုမြင့်မြင့်ထားဖို့လိုအပ်ပါတယ်။ ကိုယ်စိတ်ဓာတ်ကျဆင်းမှုတွေကြောင့်ရလာတဲ့အကျိုးဆက်တွေရဲ့ကောင်းမှုမကောင်းမှုကို မသိနိုင်တော့ပါဘူး။ အမှားတစ်ခုကိုကျူးလွန်တဲ့အချိန်မှာ ဒါဟာပထမဆုံးမို့လို့ပါဆိုတဲ့စကားနဲ့တင် နောက်တစ်ခါပြုလုပ်တတ်ကြတယ်။ ထိုအမှားတွေကြောင့်ချမ်းသာလာပင်မဲ့ ထိုချမ်းသာမှုရဲ့နောက်ကွယ်က ရလဒ်ကဘာလဲဆိုတာ မသိချိန်မှာ ထိုအမှားကိုထပ်ခါထပ်ခါကျူးလွန်မိနေတယ်။
ချမ်းလာဖို့တစ်ခုတည်းနဲ့ အလွယ်နည်းကိုမလိုက်သင့်ပါဘူး။ ကိုယ့်ချွေးတွေနဲ့ပေးဆပ်ပြီးရလာတဲ့ချမ်းသာမှုကအေးချမ်းပါတယ်။ ထို့ကြောင့် အမြဲပူလောင်မှုကို မခံစားရတဲ့အပြင် လူကောစိတ်ပါ အေးချမ်းပါတယ်။ ဘဝဆင်းရဲတာက ရှက်စရာမဟုပါဘူး စိတ်ဓာတ်ဆင်းရဲတာမှရှက်စရာပါ။ ဘဝဆင်းရဲမှုကို ဘယ်သူမှလိုလားတာမဟုတ်ပါဘူး ဘဝပေးကံကြောင့်သာဖြစ်လာတာပါ။ အတိတ်ဘဝက အကုသိုလ်ကံတွေကြောင့်သာ ဒီဘဝမှာ ခံနေရတာပါ။ ဒါကြောင့်ဒီဘဝမှာစ်ိတ်ဓာတ်ကောင်းမွန်အောင်နေထိုင်ရမယ်။ ဒါမှ အနာဂါတ်မှာ ကောင်မွန်တဲ့ ရလဒ်တွေနဲ့မိမိကိုယ်မိမိပြုပြင်နိုင်လိမ့်မယ်။ ဘာမှစားစရာမရှိအောင် မွဲတေနေပါစေ ကောင်းမွန်တဲ့အလုပ်လေးလုပ်ပြီး အသက်မွေးဝမ်းကြောင်းနဲ့ အသက်ဆက်ပါ။ မိမိလုပ်ရက်ကြောင့်မိသားစုကောင်းကျိုးခံစားချင်လား ၊ မိမိလုပ်ရက်ကြောင့်မိသားစုဒုက္ခရောက်စေချင်လား တွေးတောပါ။ကောင်းသောစိတိမွေးတဲ့သူကနောင်လာနောင်သားတွေကိုဘယ်လိုပြုပြင်ရမလဲ ဆိုတဲ့ဦးနှောက်ရှိသလို ဖြစ်သင့်မဖြစ်သင့်ကိုတွေးတောနိုင်တဲ့အကြံဥာဏ်လဲရှိပါတယ်။ ဘဝဆင်းရဲမှုကိုဖြေဖျောက်ပြီးလုပ်ကိုင်ကြတဲ့အထဲမှာ ချမ်းသာတဲ့သူတွေအများကြီးရှိသလို၊ မချမ်းသာရင်တောင်ဘဝတစ်လျောက်အေးအေးချမ်းချမ်းနဲ့နေလို့ရပါတယ်။ ဘာမှလဲပူပင်စရာမလိုတော့ဘူးပေါ့။ စိတ်ချမ်းသာတော့ရုပ်က အလိုလိုပင် တောက်ပလာပါတယ်။
ပိုက်ဆံသာအများကြီးရနေပြီး ကိုယ်လုပ်တဲ့အလုပ်ကကောင်းလားမကောင်းဘူးလား ၊ ကိုယ့်ပတ်ဝန်းကျင်ကဘယ်လိုဝေဖန်နေကြလဲ ဆိုတာက်ိုလဲ သိရပါမယ်။ ဘယ်လောက်ပဲပင်ပန်းနေပါစေကြိုစားအားထုတ်မှုကြောင့်ရတဲ့ ပိုက်ဆံဆိုရင် ပျောရွှင်ပြီး အေးအေးချမ်းချမ်းရှိနေလိမ့်မယ်။ ချမ်းသာမှုကိုလိုလားပြီးလောဘတတ်တဲ့သူတွေက သူတို့ရဲ့ဘဝကို သေမင်းဆီအပ်နှံထားခဲ့တာပဲလေ။ လောဘရှိတာကြောင့်သောကတွေပါ မာန်မာနတွေပါဖြစ်ပေါ်လာပါတယ်။ ဘဝလဲချမ်းသာ စိတ်လဲချမ်းသာပြီး မိသားစုနဲ့သာပျော်ပျော်ရွှင်ရွှင်နေရရင် အဲ့အရာကို ဘာနဲ့မှလဲလို့မရပါဘူး။
လူတိုင်းပဲ စိတိဓာတ်ကိုမြင့်မြင့်ထားပြီးကြိုးစားမယ်ဆို အရာရာဟာ တိုးတတ်အောင်မြင်လာပါလိမ့်မယ်။