مخلل الليمون

المخلل بلزمنا ليمون موجود ليمون كبير وليمون صغير نحن بنحكيله ليمون المنزهير الصغير وبنقوم بغسلهم جيداً في الماء والملح والخل وبعد الغسيل بنقوم بتنقيعه في الماء لمدة ثلاثة أيام وكل يوم بنغير عليه المية مرتين مرة أول النهار ومرة آخر النهار نحن بنبدل المية علشان نرفع المرارة الموجودة في الليمون وما

تبقى فيها لأنه لو ما عملنا هيك فيه ولو خللناه حتم المرارة فيه وبدنا نستنا عليه لمدة ثلاثة أسابيع أو أكثر على حسب كمية المرارة الموجودة فيه لهيك الأفضل والأحسن ننقعه في المئة لنأخذ نتيجة حلوة أثناء التخليل ومن ثم نقوم بعد الثلاثة أيام بإحضار حلة كبيرة أو على كمية الليمون معنا ونضعه فيها ونضع

الليمون فيها ونضع عليها ماء ونشعل الغاز عليها لنقوم بسلق الليمون ومن ثم نسلقه لمدة ثلث ساعة في الماء المغلي ونخرجه منها وننقعه كمان ليلتين في الماء حتى نتخلص نهائياً من المرارة ومن ثم نصفيها من الماء ونحضر الحشوة يلي بدنا نحشيها بداخل الليمون مكوناتها عبارة عن ملح وفلفل أحمر حار أو بارد

وحبة السوداء أو حبة البركة وملح ووزيت زيتون بنحضر طبق كبير ونضع فيه المكونات ونحركهم مع بعض مع زيت الزيتون والملح ونحضر برطبان معقم جيدا وناشف تماماً من الماء ومحشي حبات الليمون ونضعهم في البرطبان حتى نخلص جميع الكمية يلي حضرناها ومن ثم نضع زيت زيتون حتى يغطي حبات الليمون أو لو حبينا نضع ماء وملح بس الأفضل والأطيب طبعا زيت الزيتون لأنه بيفرق معنا في الطعم والنكهة يلي فيها وهيك خلصنا

الصور من تصويري