Community Trends - Books on Literature Month | Just Received My Book Pack

Community එකේ මේ දවස් වල යන තව trend එකක් තමයි සාහිත්‍ය මාසයේ පොත් මිලට ගන්න එක. ඇත්තටම අවුරුදු 4 ක් විතර අපි එක දිගට පොත් ප්‍රදර්ශනය ට ගිහින් පොත් ගත්ත. ගොඩක් සල්ලි නොතිබුණත් පොත් අතරේ ඇවිදල ඒ සුවඳ විඳල, පොත් අතපත ගාල ලැබෙන සතුට නිසාම මාත්, මල්ලිත් අම්මත් පොත් ප්‍රදර්ශනේ බලන්න නොවරදවාම යනව. ඇත්තටම මේ සැරේ පොත් ප්‍රදර්ශනය නැති නිසා බොහෝ දෙනෙක් online order කරල පොත් ගේනව. @rasinkani සහ @sandupi එහෙම පොත් අරන් තියනව දැකල මටත් ගන්න ආස හිතුණා. කොහොමත් පොත් ප්‍රදර්ශනේට නොගිය සාංකාවත් හිතේ තිබුණ නිසා මමත් order එකක් දැම්ම.

රසී ගෙනත් තිබුනේ ආශිර්වාද එකෙන්. සදුපි ගෙනත් තිබුනෙ Book Lovers කියල site එකකින්. මම order කරේ සරසවි එකෙන්.

සරසවි එකෙන් නම් site එකෙන්ම සම්පුර්ණ order එක කරලා payment එකත් කරගන්න පුළුවන්. මම වැඩියෙන් කැමති සිංහල නව කතා වලට. හැම පාරම පොත් ප්‍රදර්ශනේදි මම තෝරන්නේ රාජ්‍ය සම්මාන දිනපු පොත් ටික. මේ සැරෙත් එහෙම කීපයක් මම order කරා. 2021 ස්වර්ණ පුස්තක සම්මානයට නිර්දේශ වුණ ආරාමදාස සහ දෙගොඩවාරම කියන පොත් දෙකත් මම තේරුවා. 2018 ස්වර්ණ පුස්තක සම්මානය දිනපු පොතක් වුණ "අප්පච්චී ඇවිත්" කියන පොතත්, 2009 දී එම සම්මානය දිනපු "පොදු පුරුෂයා" කියන පොතත් order කරා. අපේ මල්ලි ආස රහස් පරීක්ෂක කතා. ඒ නිසා එයාට පොතකුත්, තව ඉංග්‍රීසියෙන් ලියවුණු නවකතාවකුත් එක්ක ඔක්කොම පොත් 6 ක් තේරුවා.

පොත් ප්‍රදර්ශනය නැති නිසා ඔබට මග හැරෙන්න තිබුන සාහිත්‍ය මාසයේ වට්ටම් මේ පාරත් ලබා දෙන්න සරසවිය නම් කටයුතු කරලා තිබුණ . ඔක්කොම දේශීය ප්‍රකාශන වලට වට්ටමක් දීල තිබුණ. 20% වට්ටමක් එක්ක පොත් ප්‍රදර්ශනේදි ගත්ත වගේම අඩුවට මේ සැරේ අපට online order කරන්න පුළුවන්.

මම දැකපු එක අඩුපාඩුවක් තමයි පොතේ අන්තර්ගතය ගැන ලොකු විස්තරයක් අපට නොපෙන්නන එක. පොතක් පෙරලල බලල ගන්නවට වඩා පොඩි වෙනසක් එතන තිබුන. Delivery සඳහා රුපියල් 300 ක fee එකක් ගන්නවා. order කරලා දවස් 4 කින් තමයි මට package එක deliver කරේ.

package එක අරිද්දි අපි හැමෝම ආස කරන පොත් සුවඳ!

මේකට වැඩියෙන්ම සතුටු උනේ අම්ම. වෙනද මේ කාලේ වෙද්දී ගෙදර හැමෝම තැන තැන ඉදගෙන පොත් කියවනවා. කොහොම හරි මාසේ අන්තිම දවසේ හරි පොත් ටිකක් ලැබුණ. ඔයත් අදම order එක දාන්න. තවමත් තියනව discount එක නම්. සාහිත්‍ය මාසය තුල පමණයි කියල තමයි තියෙන්නෙ.

_{10% to SL-Charity}