සිතුවිලි - 5% to Sl Charity

ජීවිතය කියන්නේ හරි පුදුම දෙයක්. සිතුවිලි කියන්නෙත් ඒ වගේම පුදුමාකාර දෙයක්. ඉතින් මේ දෙක එකට එකතු උනාම අමුතුම දෙයක්. අපි හැමෝම කැමති ලස්සනට ජීවත් වෙන්න. ඉතින් එහෙම ලස්සන ජීවිතයක් ගතකරන්න නිකන්ම ඉඳලා බෑ. ජිවිතයේ එක එක අවස්ථා වලදී එක එක කැපකිරීම් කරන්න වෙනවා අපිට දේවල් ලබාගන්නනම්. ඉතින් ඒ හැමදෙයක්ම කරන්න අපිට ඕනි වෙන්නේ සිතුවිල්ලක් විතරයි.

සිතුවිල්ලක් පහල උනේ නැත්නම් අපි කොහොමද දෙයක් කරන්නේ. හැමදේම ඉබේටම පහලවෙනකන් බලාගෙන ඉන්න තමයි වෙන්නේ එහෙම උනොත්. මේ දවස්වල අපේ සිතුවිලි අපිට ගොඩක් උදව් වෙනවා කියලා මට හිතෙනවා. මං එහෙම කියන්නේ හේතුවක් හින්දා. අපේ ගොඩක් අය මේ දවස්වල ගෙදරට කොටුවෙලා ඉන්නේ කියලා මං දන්නවා. ඉතින් අපිට ගෙදරට වෙලා ඉද්දිම සිතුවිලි වලින් මොනතරම් දේවල් විඳින්න පුලුවන්ද. අපිට පුලුවන් සිතුවිලි වලින් යාළුවොත් එක්ක ට්‍රිප් එකක් යන්න, කෑම්පින් එකක් කරන්න. එහෙමත් නැත්නම් කලින් කරපු දේවල් වලට සිතුවිලි වලින් ගමන් කරලා ඒවගේ ජිවත් වෙන්න.

ඉතින් මෙකීනොකී ගොඩක් දේවල් සිතුවිලි වලින් කරන්න පුලුවන්. බැරිවෙලාවත් සිතුවිලි කියලා දෙයක් තිබුනේ නැත්නම් මේ වගේ කාලයක අපි කොහොම හැසිරෙයිද. ඉතින් මෙහෙම බැලුවම සිතුවිල්ලක් නැතුව අපිට කිසිම දෙයක් කරන්න බෑ කියලා හිතෙනවා නේද. ඉතින් මේ ලිපිය කියන්නෙත් මගේ එක්තරා සිතුවිල්ලක්. මේ වෙලාවේ මේ ලිපිය කියවන ඔයාලට ඇති වෙනම සිතුවිල්ලක්. ඒත් ඔයා මේ ලිපිය කියවන වෙලාව වෙද්දී මේක ලියපු මං ඉන්නේ වෙනම සිතුවිල්ලක.