යෝධ සලබයා / Atlas Moth(Attacus Atlas)
සුභ දවසක් හැමෝටම.අද මම ටිකක් වෙනස්ම දෙයක් ගැන ලියන්න හිතුවා.යෝධ සලබයා තමයි අද මගේ මාතෘකාව.හැමෝම සලබයෝ දැකලා ඇති.සලබයින් අතර රජෙක් තමයි මේ යෝධ සලබයා කියන්නේ.
ලොව පුරා ජීවත්වන සත්ව විශේෂ අතුරින් සලබයින් සුවිශේෂී ස්ථානයක් හිමිකරගන්නා අතරම සමනලුන් සේ මොවුන්ගේද විචිත්‍ර රටාවන් තිබීම නිසාම මිනිසුන් අතර දැඩි ආකර්ශනයක් දිනාගෙන තිබේ.ශ්‍රී ලංකාවේද සලබ විශේෂ ගණනාවක්ම දැකගත හැකිවන අතරම ඔවුන්ගෙන් ඇට්ලස් සලබයා විශාලතම සලබයා ලෙසට හදුනාගෙන තිබේ.
විශාල පියාපත් යුගලයක් තිබෙන මෙම සලබයා ඉංග්‍රීසි බසින් "Atlas Moth" සහ සිංහල බසින් යෝධ සලබයා ලෙසට මෙන්ම "Attacus taprobanis" යන විද්‍යාත්මක නාමයෙන් හදුන්වනු ලබයි.විද්‍යාත්මක වර්ගීකරණයට අනුව සත්ව රාජධානියේ ආත්‍රපෝඩා වංශයේ කෘමි පවුලට අයත් ලෙපිඩොප්ටෙරා ගෝත්‍රයේ අටකස්(Atacus) කුලයට මෙම සලබ විශේෂය අයත් වන අතරම ඇටකස් ඇට්ලස්(Atacus Atlas)යන ද්වීමය නාමයෙන්ද හදුන්වයි.
අග්නිදිග ආසියාවේ නිවර්තන හා අර්ධ ශුෂ්ක කලාප වල ජීවත්වන මොවුන් මැලේසියානු දූපත් වල විශේෂයෙන්ම දැකගත හැකි වේ.පියාපත් දිග හැරිය විට සෙන්ටිමීටර් 24(අගල් 9.4) සහ පියාපත් මතුපිට වර්ගඵලය සෙන්ටිමීටර් 160(අගල් 25)පමණ වේ.එම ප්‍රමාණයට වඩා සලබ විශේෂයක් උතුරු කොරියාවෙන් හමු වී තිබේ.ඔවුන් Coscinocera Hercules ලෙසට හදුන්වයි.
.jpg)
පියාපත් හා බලන විට ශරීරය ඉතා කුඩා වේ.මොවුන්ට සෑම ගුවන් ගමනකටම විශාල ශක්තියක් අවශ්‍ය වේ.මොවුන්ගෙ ආයු කාලය සති 1ක් 2ක් පමණයි.ගැහැණු සතෙකු පිරිමි සතෙකු එනකම් බලා සිට සංසේචනය වූ පසු බිත්තර දමා මිය යයි.
පිරිමි සතෙකු ආකර්ශනයකර ගැනීම සදහා ගැහැණු සතුන් උදරයේ කෙලවර ඇති ග්‍රන්ථිථියක් හරහා ප්‍රබල ෆෙරමෝනයක් නිකුත් කරයි.එය හරහා ගව් ගනනක් දුරින් සිටිනා පිරිමි සලබයින් ආකර්ෂණය කරගත හැකි වේ.
මොවුන් පැගිරි,කුරුදු ආදි ගස්වල තම බිත්තර දමයි.සති දෙකකට පමණ පසුව දළබුවන්ව බිහි කරයි.ඔවුන් ශාක පත්‍ර මගින් පෝශණය වේ.
ශාක පත්‍ර මගින් පෝශණය වන එම දළබුවන් අගල් 4.5 කට ආසන්න වූ පසූ පුපා ගත්වීමට සැරසෙයි.අඩුම වශයෙන් සති හතරක පමණ කාලයක් පුපාගත වී සිට පාරිසරික සාධක හමුවේ පුපා වලින් සලබයන් ලෙස එළියට පැමිණෙයි.
වැඩිහිටි ඇට්ලස් සලබයින් දුර්වල පියාසර කරන්නන් වේ.ශක්තිය ඉතිරි කරගැනීමට රාත්‍රියේදී පමණක් පියාසර කරයි.මොවුන්ගේ එකම අරමුණ සහකරුවෙකු හෝ සහකාරියෙකු සොයා ගැනීමයි.සලබයින් දෙසැම්බර් ජනවාරී මාසයන් හීදි බහුලව දැකගත හැකිවේ.
ස්තූතියි!
Me wage detak nm denagena hitiyema na.hadissiyewath tikak wisala me ha similar salabayek dekkot me gena mathak wei
Ou ou aniwaaryenma
this is a rare butterfly, this butterfly didn't come to my garden so I say it's a rare species
This Atlas moth is rare to see..
මම එකම එක පාරක් දැකලා තියෙනවා මේ වගේ සළඹයෙක්ව..ඒ වුනාට ඒ සතාගැන මෙච්චර විස්‍තරයක් දැනගත්තේ අද තමා..
මෙවුන්ගේ තටුවල තියෙන රටාවලට බය හිතෙනව නේද ටිකක් හරි..
ඔව්ව්...ඒකනම් ඇත්ත..
මන් පොඩි කාලෙ දැක්කට පස්සෙ දැක්කෙම නෑ..දැන් සමනැලයෙක්වත් නෑනෙ පේන්න. මේ විස්තර නම් දැනගත්තෙ අද තමයි.❤
දැන් දැන් සත්තු වදවීගෙන යනවා,පොඩි කාලෙ දැක්ක ගොඩක් සත්තු දැන් පේන්න නැහැ.
ඔව් හැමදේම ගොඩාක් වෙනස් වෙනවා.😕