السلام وعلیکم محترم دوستو

اللّٰہ پاک کے نام سے شروع کرتا ہوں جو بڑا مہربان اور نہایت رحم والا ہے آج کی پوسٹ میرے لیے اور میری پوری فیملی کے لیے بہت زیادہ اہمیت کی حامل ہے کیونکہ اس پوسٹ میں میرے سب سے بڑے بھائی ایس ڈی او پبلک ہیلتھ انجینئرنگ محمد آصف خان کا بڑا بڑا رول ھے انہوں نے اپنی زندگی کے پینتیس سال اور دو ماہ پبلک ہیلتھ انجینئرنگ میں بطور ایس ڈی او کے سرف کیے انہوں نے بطور ایس ڈی او پبلک ہیلتھ انجینئرنگ میں اپنی ڈیوٹی مخلص طریقے سے سر انجام دی اور ساری سروس میں کوئی بھی محکمہ کے آدمی سے کبھی بھی بدزبانی نہیں کی کبھی کسی کو برا بھلا نہیں کہا جہاں تک ممکن ہو سکتا تھا اپنے سینیئرز اور اپنے جونیئرز کو ساتھ لے کر چلے اور بہت ایمانداری سے اپنی سروس مکمل کی
پبلک ہیلتھ انجینئرنگ میانوالی میں نہیں بلکہ سرگودھا ڈویژن میں ان کے نام کو سنہری حروف میں لکھا گیا اور ان کی ریٹائرمنٹ پر ان کے اعزاز میں ایک الوداعی پارٹی کی تقریب رونماء کی گئی جس میں سرگودھا لاہور فیصل آباد اور میانوالی سے تعلق رکھنے والے پبلک ہیلتھ انجینئرنگ کے تمام آفیسرز نے بھرپور شرکت کی
محکمہ کی طرف سے دی جانے والی یہ الوداعی پارٹی ڈسٹرکٹ میانوالی کی یہ پہلی پارٹی تھی جو کسی آفیسر کے ریٹائرڈ ھونے پر دی گئی یہ ھمارے خاندان کے لیے بہت اہم اور یادگار رات تھی اور اللّٰہ پاک کی بہت بڑی کرم نوازی تھی جس نے ھمارے بھائی کو یہ عزت بخشی ۔

راج محل ریسٹورنٹ

اس خوبصورت اور دلکش پارٹی کا انعقاد میانوالی کے سب سے بڑے راج محل ریسٹورنٹ میں کیا گیا
اس خوبصورت پارٹی میں تقریباً ڈیڑھ سو افراد کے لیے جگہ بنائی گئی تھی اور ساتھ میں میوزک پروگرام بھی تھا جس میں پاکستانی سنگر ارسلان خان نیازی نے اپنے سروں کے جادو جگائے اور محفل کا رنگ اس طرح جمایا کہ سب آفیسرز بھنگڑے ڈالتے ہوئے میدان میں آگئے بہت حسین اور نہ بھول پانے والی رات تھی ھمارے بھائی صاحب کو
بہت سارے انعامات سے نوازا گیا کیونکہ انجینئرنگ کے شعبے میں اور پبلک ہیلتھ انجینئرنگ کے محکمے میں بھائی صاحب سب سے آگے تھے اور اتنی خوبصورتی سے اور ایمانداری سے اپنی ڈیوٹی سر انجام دیتے تھے کہ پوری پبلک ہیلتھ انجینئرنگ ڈیپارٹمنٹ اس طرح کی الوداعی پارٹی دینے پر مجبور ھو گئی جس وقت بھائی صاحب کو انعامات دئیے جا رہے تھے سب کی آنکھوں سے آنسو جاری تھے کیونکہ اتنے بڑے آفسیر کو الوداع کرنا کوئی معمولی بات نہیں تھی کیونکہ پینتیس سال دو ماہ اس محکمے میں وقت گزارا
انعامات دینے کے ساتھ ساتھ پھولوں کے ہار بھی پہنائے گئے اور ساتھ میں گلوکار ارسلان نیازی نے گانے بھی چلتے رہے اور کھانے کا بہت عالیشان انتظام کیا گیا تھا کھانے میں چکن پیس چکن بریانی مٹن کسٹرڈ ڈرنگ سبز چائے بیف کا سالن اور مٹن پیس اور سلاد وغیرہ شامل تھے الحمدللہ یہ تمام تقریبات بہت پرامن اور شاندار طریقے سے اپنے انجام تک پہنچیں

پروقار تقریب

اس تقریب کی سب سے اہم اور یادگار تقریب انعامات کی تقسیم تھی جس میں ضلع لاہور ضلع فیصل آباد ضلع سرگودھا ضلع میانوالی کے تمام آفسیرز نے بہت سے گفت اور بہت سے انعامات دئیے اچھی کارکردگی پر اور پرامن سروس مکمل کرنے پر ھمارے بھائی کو پانچ لاکھ روپے کا نقد انعام دیا گیا پبلک ہیلتھ انجینئرنگ ڈیپارٹمنٹ کے علاؤہ ان تمام اضلاع کے ٹھیکیداروں نے بھی بڑھ چڑھ کر حصہ لیا اور بھائی صاحب کو انعامات دئیے اور ڈھول کی تھاپ پر رقص کیا رات کے ساڑھے بارہ بج چکے تھے لیکن کوئی بھی شخص اس تقریب کو ادھورا چھوڑ کر گھر جانے کو تیار نہیں تھا سب سے بہت زیادہ انجوائے کیا اور آخر میں رات کو ڈیڑھ بجے تقریب ختم ھوئی اور اس کے بعد کھانا کھایا امید ہے آپ کو آج کی پرکشش پوسٹ اور فوٹو گرافی بہت پسند آئی ھوگی دعاؤں میں یاد رکھنا اللّٰہ حافظ ۔

Special Mention:
@vvarishayy // @steemit-pak // @event-horizon// @uzma4882
Regard @khang572