Sa araw nga po palang ito, gusto ko lang ibahagi sa inyo kung paano po ang ganap namin noong isang araw sa aming pagdiriwang sa kaarawan ng aking pamangkin, bilang aking "entry" sa nangungunang Community contest na "Diary Game" ng Steemit Philippines.

Nakagawian na po namin na sa tuwing sasapit ang kaarawan ng kaninuman sa pamilya ang magtungo sa simbahan o sa bahay ng aming Pastor upang magpapapray over bilang pasasalamat sa karagdagang pagkakataon na ipahintulot ng Panginoon na mamuhay dito sa mundo, at bilang pagpapaubaya na rin sa pagkakaton na ito. At ayon nga, ang aking pamangkin ay pinagpray over po ng aming Pastor sa kanyang ikapitong kaaraawan.

Malaki po ang aming tiwala sa lakas at kapangyarihan ng dasal ng isang Pastor na sadyang pinili at ipinagkaloob ng Diyos. We can pray on our own for ourselves and for others pero iba lang talaga sa pakiramdam yung alam mong pinagpray ka ng isang Pastor at rinig na rinig mo mismo ang mga pinapanalangin niya para sa 'yo. Ang sarap!

Pagkatapos ng pagpapapray over, dumeresto kami sa bahay at naghanda ng kaunti para sa pampamilyang salo-salo. At upang mas maramdaman ng aming baby boy ang kanyang espesyal na araw, binilhan namin siya ng Cake na pinacustomize namin sa paborito niyang laro na Minecraft. Of course, sa nakasanayan, may mga kantahan ng birthday song na naganap bago ang pagpapablow sa kanyang birthday candle.

Matapos ang kantahan at hilingan over the birthday candle, sinimulan namin ang aming munting salo-salo. Simple lang na pagdiriwang sa kaarawan pero lubos naman ang aming kagalakan at pagpapasalamat sa panibagong taon na ito para sa aking pamangkin, at maging sa buong pamilya, sa kabila ng lahat ng dagok sa buhay lalong-lalo na sa sitwasyon na kinakaharap ng buong mundo ngayon.

At yun na nga. Dito lang muna po ako. Maraming salamat po sa inyong oras. Hanggang sa muli mga kaibigan!