Burnsteem25|| September 13, 2022|| Diary Game Season 3|| "Nature Traveling And Photo Hunting"

Tayong lahat ay mahilig gumala o pumunta sa mga presko, malinis at kaaya-ayang lugar lalo na sa mga Probinsya kong saan makakakita tayo ng mga ibat-ibang uri ng mga insekto, halaman, bulaklak at mga punong-kahoy. Ngayong gabi ay isasama ko kayo sa isang lugar na pinuntahan ko kaninang umaga. Isang lugar na nagtataglay ng mga ibat-ibang magagandang mga bagay at nakakarelax sa isip. Dahil sa ang lugar ay napapanatili ang kaayusan at kalinisan ay nakapagbibigay ito ng kaginhawaan sa mga taong nakatira malapit dito.

Umpisahan na natin.....

Dito sa lugar na ito matatagpuan ang mga ibat-ibang uri ng mga hayop at mga insekto. May mga halamang ornamental din at mga bulaklak ang makikita dito. Una kong pinuntahan itong lugar para tumuklas ng mga ibat-ibang uri ng bagay at sa katunayan may mga insekto ang nakikita ko at sa pakiwari ay minsan lang ito makikita dahil mahilig itong magtago sa mga damuhan o di kaya ay sa ilalim ng mga malalaking bato. Sa pagpunta ko dito sa naturang lugar ay nalalanghap ko talaga ang preskong hangin at malamig na lugar lalo na at umaga pa akong nagsimulang naglakbay o gumala sa lugar.

Ang lugar ay dating tinitirhan ng isang pamilya 5 taon na ang nakalipas at sinubukan kong bisitahin at puntahan ang lugar. Pagdating ko doon ay nakita ko ang mga magagandang mga halaman tulad nito. Ayun sa mga nakakilala nito ay tinatawag itong Epescias Plant, isang uri ng halaman na pwedeng gawing palamuti sa loob ng bahay, isa rin itong uri ng hanging plant at lumalaki ang mga dahon. Ang hugis ng dahon nito ay parang balun-balunan ng manok at nagtataglay ito ng ibat-ibang uri ng kulay.

Sa unang pagkakataon ay nakita ko na kong ano ang hitsura ng tinatawag nilang *Gangis*. Ito ay isang uri ng insekto na tumutunog kapag tanghali. Malakas ang tunog nito kahit nasa malayo ito. Malakas at mabilis itong lumipad at palipat-lipat lang ito ng lugar. Kadalasan nakatago o nakatira ito sa mga nalalantang kahoy ng atipolo dahil malambot lang kasi ang puno nito. Gumagawa sila ng mga butas at doon nagtatago. Nakakatakot tingnan dahil sa hitsura nito na animoy parang malaking gagamba. May mahabang antena na siyang gamit niya sa pagkukumunikasyon sa kapwa niya insekto.

Sa pagpapatuloy ko sa aking pagbisita sa lugar ay napansin ko itong kabute na tumubo sa mataas na parte ng isang punong-kahoy. Maraming uri ng kabute ang tumutubo dito sa aming lugar at iilan lang nito ang pwedeng kainin. Kadalasan ang mga kabute ay ginagawang palamuti sa loob ng bahay.

Ang lugar ay napapalibutan rin ng mga iba pang uri ng halamang-ornamental gaya nito. Ang tawag namin dito ay Tea Plant. Maganda itong gawing landscape. Lumalaki at tumataas din ito abot hanggang iilang talampakan ang taas nito. Nagtataglay ito ng mga matutulis na mga dahon at mga ibat-ibang kulay nito. Ang ganitong uri ng mga halaman ay pwedeng panggamot din ayon sa mga taong lubos na nakakaalam nito.

Ito naman ang tinatawag naming Dulce Maria. Ewan ko ba kung bakit ito ang pangalan nito pero maganda naman ang pangalan niya. Isa itong uro ng halamang ligaw na gumagapang sa mga punong-kahoy at sa mga damuhan. Nagtataglay ito ng mga maliliit na prutas at ayun sa iba ay pwede daw itong kainin kong ang kulay nito ay violet na.

Ito naman ang mga bulaklak na nakita ko habang ako ay naglakbay sa naturang lugar. Totoo nga ang sinabi ng ibang tao na ang dating naninirahan dito sa lugar mahilig sa mga halaman at bulaklak ito rin kasi ang napapansin ko dahil may mga ibat-ibang bulaklak at mga halamang-ornamental ang nakatanim dito. Lubos akong napamangha sa lugar dahil sa aking nakita. Kahit ligaw na mga bulaklak ito ay masasabi ko pa rin na napakaganda at nakakabighani sila.

Nagtapos ang aking paglalakbag ng isang napakapresko at sariwang karanasan. Palagi naming inaalagaan ang lugar para mapanatili ang kagandahan ng aming lugar dito sa Probinsya ng Misamis Oriental.

Ang 25% ng payout ng post kong ito ay mapupunta sa @null.