Club75|| Diary Game Season 3|| July 30, 2022|| "Simpleng Pagluluto Ng Gulay"

Magandang umaga sa lahat. Hangad nating magkaroon ng malulusog na pangangatawan dahil ito lang ang ating puhunan sa buhay. Kapag nagkakasakit tayo ay wala tayong magawang trabaho kundi ang humiga lang palagi. Nagdedepende sa ating kinakain ang sustansyang makukuha natin at kadalasan makukuha ito sa mga prutas at gulay. Sa probinsya kadalasang makakita tayo ng mga ibat-ibang uri ng gulay na nakatanim sa simpleng harden, at kadalasan ding luto nito ay ang tinatawag na BINAS-OY, o ang lutong walang sahog na karne kundi luya at kamatis lang.

Bago tayo tumungo sa ating paksa para sa araw na ito ay iisa-isahin muna natin ang mga pangalan ng gulay na kadalasang nakikita natin sa ating bakuran. Isa sa mga popular na mga gulay ay itong tinatawag na Camote taps o talbos ng kamote.

Ito ang hitsura ng talbos ng kamote madali lang itong patubuin, putulin lang ang sanga nito at siyang ilalagay o itatanim sa lupa. Isang linggo mula sa pagkakatanim nito ay magkakaroon na ito ng ugat at may dalawang uri ng kulay ang talbos ng kamote, ito ay ang Pula at Puti.

Ito naman ang tinatawag na Pako, isang uri ng gulay na matatagpuan at tumutubo malapit sa mababasang lugar gaya ng malapit sa sapa o ilog. Ang dahon nito ay parang dahon ng fern at gumagapang din ito. Madali lang din itong patubuin pero sa mababasang lugar. Masarap itong isahog sa sardinas at kalimitan, ginigisa ito kasama ang sardinas. Noong nakaraang araw ay naisipan kong magluto Pako vegetables na may kasamang sardinas na maanghang.

Napakasimple lang ang potahe pero masustansya at masarap. Kaya kapag pumupunta ako sa palengke ay agad akong bumili ng ganitong uri ng gulay.

🤔

Paano ba magluto ng BINAS-OY?

💡

*Bago lutuin ay kunin muna ang mga dahon ng mga gulay, ito lang kasi ang maluluto at hugasan ng mabuti para maalis ang mga maliliit insekto o ano mang mga maruming bagay.

Sunod, maghiwa ng kamatis at luya. Nagbibigay ito ng magandang lasa sa lutuing pagkain. Ito na talaga ang tradisyon sangkap sa pagluluto ng pagkain.

Magpakulo ng tubig at kapag kumulo na ito ay agad ilagay ang talbos ng kamote. Medyo matagal kasi itong maluto kaya una itong ilagay at kapag luto na ito ay agad isunod ang Pako. Lagyan ng kaunting asin at vetsin at haluin ng mabuti hanggang sa maluto na.

Ito na ang ating binas-oy recipé pwedeng-pwede ito sa mga bata dahil nagtataglay ito ng maraming sustansya na nakakabuti sa ating katawan.

Ang pagkain ng gulay ay nagtataglay ng maraming sustansya sa ating katawan. Kaya mas maganda na ugaliing kumain ng maraming gulay.

Bago ko tatapusin ang post ko ito ay nais kong ibahagi ang 20% mula sa payout kong ito sa @steemitphcurator.