Steemit Engagement Contest3 ; Describe the activities you enjoy doing with your partner / family. Ailəmlə 10 gün.😊

Salam, hər vaxtınız xeyir. @svm038 xanım, sizin təşkil etdiyiniz yarışmada iştirak etmək qərarına gəldim. Umarım ki, paylaşımımı bəyənəcəksiniz. Mən, @gulaybagirzade öyrənciyəm, Bakıda təhsil alıram. Aprelin 27-si evimizə gəldim.

Bakıda qaldığım ev çox rahat evdi, əslində o evi çox sevirəm. Amma biz daha çox bölgə həyatını sevdiyimiz üçün gəldiyimə çox sevinirdim. Ordakı ev on yeddi mərtəbəli binanın altıncı mərtəbəsindədi. Atam arxamca gəldiyində tez hazırlaşdım.

Biz şəhərdən çıxanda axşamtərəfi idi. 10 günlük kəndə getməyimin bir neçə səbəbi var idi. İlk səbəb Ramazan bayramı ilə əlaqədar tətilə buraxılmağımız idi. Həm də pandemiya ilə əlaqədar dərslərimiz distant şəkildə keçirilirdi. Yəni kənddən də internet ilə dərslərə qoşula biləcəkdim. Atamla kəndə gəldik. Otaq yoldaşım Zərifə də bizimlə gəldi.

Budur, artıq kənddəyəm. Bizdə Ramazan bayramı möhtəşəm keçirilir. Elə şirniyyatlar var ki, onların bişməsi mütləqdi. Mən gələndə anam paxlava bişirirdi. Bizim tərəflərin paxlavası çox dadlı olur. Soruşun ki, niyə?) Çünki biz tərəflərdə qoz, fındıq boldu. Paxlavanı da dadlı edən təbii ki, içliyidi. Onu da bol elədin, vəssalam:) Anam paxlavanı çox gözəl bişirir😊

Ailəm gəldiyimə çox sevindi. Artıq bir ay idi ki, getmişdim. Bu bir ay müddətində kəndimiz xeyli dəyişmişdi. Birdən birə bahar gəlmişdi. Həyətimizdə göyəm, gilas, gavalı ağappaq çiçəyə bürünmüşdü.

Səmanı görürsünüz? Masmavidi. Nə yazıq ki, elə mən gələn gün hava belə oldu. Bir də sonrakı iki gün. Mən də fürsəti dəyərləndirdim. Həyət bacada çoxlu şəkillər çəkdim. Hətta şəkil çəkdirməyi xoşlamayan bacımı da bu çəkilişlərə cəlb elədim. Xətrimə dəyməyib razılaşdı. 🤭

Dediyim kimi kəndə gəldiyimdən ikicə gün hava günəşli oldu, ondan sonra yağışlar başladı nə başladı. Ayağımızı evdən çölə qoya bilmədik. Ramazan bayramı günlərində çoxlu qonaqlarımız gəldi. Qonaq getməyi xoşlayıram. O ki qaldı, bütün ailəmizin ən sevimli məşğuliyyətinə bu bizim Qaraca pişiyimizdi. Bütün gün onun kaprizlərinə dözməklə məşğuluq:) Distant şəkildə dərslərə qoşulduğumu söyləmişdim. Qaraca heç kəsdən icazə almadan gəlib noutbukumun üstündə yerləşib.

Tətil bitdi və bu gün Bakıya qayıtdım. 10 gün ailəmlə vaxt keçirmək məni çox xoşbəxt elədi, desəm yalan olmaz. Sonda bu yarışmanı təşkil etdiyi üçün @svm038, sizə təşəkkürlər. Xoşca qalın😍