İkinci əl kitab, yoxsa ...

Bu gün sizinlə kitablar barəsində danışmayacağam. Hərçənd ki, sizə kitab sevgimizin ortaq cəhət olduğunu yazmışdım. Bu gün sizə cəmiyyətdə müşahidə etdiyim boşluqlar barəsində danışacağam. Fikir vermişəm ki, istifadə olunan dərsliklər daha sonra istifadəsiz qalır, abituriyent ali məktəbə qəbul olduqdan sonra dərslik ikinci əl satışa qoyulmursa yeri birbaşa zibil yeşiyi olur. İnsanları anlayıram , evdə yer tutması, əlavə toz yığması , tör töküntü olması və s. kimi səbəblərdən bunu edirlər. Bəs həm şəhərdə , həm də rayonlarımızda həmin dərslikləri istəyib də əli çatmayan şagirdlərimiz? Olmazmı ki, o kitablar zibil yeşiyinə getməsin? Bu işin təşkilini bir ya iki nəfər edə bilməz. Bu tamamilə mümkünsüzdür. Bu işlə hər məktəbdən, hər kursdan ayrıca adamlar maraqlı olmalıdır. Məhz cəmiyyətə faydalı ola bilmək üçün. Onsuz da bu kitabları zibillikdən seçib götürən 100 də bir fiaz olur. Elə isə cəmiyyəti maarifləndirək. Uşaqlarımızı yardımsevərliyə öyrədək.

image

Axı edə istifadəsiz qalmış əşyamız kiminsə köməyi ola bilərsə burda pis nə ola bilər axı ?Bu əşya kitab da ola bilər, şahmat da, qlobus da, xəritə də , hətta oyuncaq da. Bir formul fikirləşib tapmaq lazımdır. BU əşyaların təhvil verildiyi və təhvil alına biləcəyi bir formul. Pərakəndə olaraq sosial şəbəkələrdə olan qurplar sistemsizdir. Bu gün elə bu yazıyla əlaqədar bir neçə qrupu bir neçə saat ərzində müşahidə etdim. Gördüyüm mənzərə çox ürəyimi ağrıtdı. Axtarılan bir kitab barədə bir neçə gün sonra paylaşım edlib , amma nə kitabı axtaran bunu bilməyib , nə də bir neçə gün sonra paylaşım edən. Bu mövzuyla bağlı fikirlərinizi oxuyub dəyərləndirməyə, bu problemə bir çarə düşünmək üçün yenilikləri dinləməyə hazıram. Sevgilərimlə. :)