ကျွန်တော်ပြောသောစင်္ကပူ - အပိုင်း - (၂၀ )

မင်္ဂလာပါ။ ကျွန်တော်၏ မပြီး ပြတ်သေးသော စင်္ကပူ ငြမ်းလုပ်သားများ ဘဝ အကြောင်းကို ဆက်ပါအုံးမည်။ ယခင် ဆောင်းပါးတွင် ကျွန်တော်တို့ ငြမ်းလုပ်သားများ ၏ ဝင်ငွေရရှိပုံ အကြောင်းအား ဖေါ်ပြပေးခဲ့ပြီ ဖြစ်၍ ယခုဆောင်းပါးတွင် ကျွန်တော်တို့ကဲ့သို့သော ရပ်ခြားမြေခြားသို့ ရောက်နေသူတို့ မိမိတို့ရရှိသော ဝင်ငွေအား မည်သို့ အသုံးချကြပုံကို ဖေါ်ပြပေးလိုပါသည်။

ကျွန်တော်၏ ယခင်ဆောင်းပါးများတွင် ဖေါ်ပြပေးခဲ့ပြီး ဖြစ်သည့်အတိုင်း ရပ်ခြားမြေခြားတွင် မိမိကိုယ်ကို ထိန်းကျောင်း ရသည် ဖြစ်သည့်အတွက် လွတ်လပ်စွာ ပျက်စီးနေကြသူများ ရှိသလို ရသမျှ အချိန် တွင် ပိုက်ဆံကြိုးစားရှာကြသူများကိုလည်း အများအပြားတွေ့ဘူးပါသည်။ ဆိုခဲ့သည့် အတိုင်း ကျွန်တော် supervisor ဖြစ်လာပြီး နောက်ပိုင်း ကျွန်တော့ အလုပ်သမားများ ပြန်သွားကြလျင် ကျွန်တော့အား နှုတ်ဆက်သွားကြသည်ချည်း ဖြစ်ပါသည်။

အချို့က " ကို ကချင် ကျွန်တော် ပြန်တော့မယ် ၊ သိန်း ၄၀၀ လောက်စုမိပြီး ဆိုင်ကယ် ဝယ်ရောင်းနဲ့ တနိုင်တပိုင် ဆိုင်ကယ် workshop လေး ဖွင့်တော့မယ် " ဟူ၍ ပြောပြကြသလို အချို့ကလည်း " ကျွန်တော် ပို့ထားတဲ့ ပိုက်ဆံနဲ့ မိန်းမက အိမ်ဆိုင်လေး ဖွင့်ထားတာ အခု မနိုင်မနင်း ဖြစ်လာလို့ ကျွန်တော် ပြန်ဦး စီး မှ ဖြစ်တော့မှာမို့ ၊ ကျွန်တော် အိမ်ဆောက်ပစ္စည်း ကုန်မာဆိုင်ဖွင့်ဖို့ အရင်းအနှီး ရပြီ " စသည်စသည် ဖြင့် ပြောပြကြပါသည်။

ထို့ကဲ့သို့ မိမိတို့ ရည်မှန်း ချက် ပြည့်၍ အိမ်ပြန် မျက်နှာပန်းလှသူများ ရှိသလို " အစ်ကိုရာ ကျွန်တော် ဒီတခေါက် အိမ်ပြန်တာ အိမ်မှာ ဘားမှ မရှိတော့ဘူး ကျွန်တော်ပို့ သမျှ မိန်းမက ၂ လုံး ၃ လုံး ထိုးပြစ်တာ ၊ ခုဒီတခေါက်ပြန်လာတာ အလုပ်လုပ်ဖို့တောင် စိတ်မပါဘူး " ဟူသော အသံများလည်း အများ အပြား ကြားရပါသည်။

ဆိုခဲ့သည့် အတိုင်း တိုင်းခြားတွင် အလုပ်လုပ်၍ ပိုက်ဆံပို့ နေကြသော်လည်း မြန်မာပြည် တွင် ကျန်နေကြသော မိဘ ၊ ညီအစ်ကို ၊ မိသားစုများ ၏ စီမံ ခန့်ခွဲမှုကလည်း များစွာ အရေးပါပါသည်။ ကျွန်တော့ အမြင် တမျိုးတည်း ဖြင့် ပြောရလျင် အများအားဖြင့်တော့ မိသားစုများက နိုင်ငံခြားမှ ပို့လာမည့် ဝင်ငွေကိုသာ မျှော်၍ ရပ်တည်နေကြသော မိသားစုများပါသည်။

ကျွန်တော်တို့ နိုင်ငံရပ်ခြားတွင် အလုပ်လုပ်နေကြသူများမှာ တချိန်မဟုတ် တချိန် မိမိနိုင်ငံသို့ ပြန်လာကြရမည် ဖြစ်သောကြောင့် မိမိတို့ ရရှိလာသော ဝင်ငွေအား မစီမံတတ်လျင် လက်ဗလာဖြင့် ပြန်သွားရသော အခြေ အနေကို ကြုံနိုင်ပါသည်။

ထို လက်ဗလာ ဖြင့် ပြန်သွားရသူများ အကြောင်းကို အနည်းငယ် ဖေါ်ပြပေးချင်ပါသည်။ ဆိုခဲ့သည့်အတိုင်း မိမိပို့ သမျှ အိမ်တွင် ကျန်ရစ်သူများက သုံး ဖြုန်း လိုက်လျင် မိမိပြန်သော အချိန် လက်ဗလာ ဖြစ်မည်ကတော့ သေချာပါသည်။ ဤ သည်မှာ ကျန်ရစ်သူ မိသားစု နှင့် ဇနီးမယားတို့ အပေါ်အများကြီး မူတည်ပါသည်။ အခြားသော လက်ဗလာဖြင့် ပြန်ရသူများမှာ လောင်းကစားမက်သူများ နှင့် နှာမွန်သူများ ( မိန်းမကိစ္စ မကင်းသူ များ ) ဖြစ်ပါသည်။

လောင်းကစားမက်သူများကတော့ အထူးပြောစရာမလိုပါ။ ကျွန်တော့ ယခင် ဆောင်းပါးများတွင် ဖေါ်ပြပေးခဲ့ ပြီး ဖြစ်သည့်အတိုင်း ကျွန်တော်တို့ နေသောအ ဆောင်တွင် တခန်းမဟုတ် တခန်းတော့ ဖဲဝိုင်းရှိပါသည်။ ထို့ အပြင် လကုန်ရက် လစာထုတ်ရက်များ တွင် အဆောင် ပတ်ဝန်းကျင်တွင် ထိုင်းတို့ လောင်းကစားသော လေးကောင်ဂျင် ၊ ရှစ်ကောင်ဂျင် များလည်း လောင်းကစားနိုင်သလို မြန်မာတို့ ဦးဆောင်သော ရှမ်းကိုးမီးဝိုင်းကလည်း စင်္ကပူဒေါ်လာများ ပလူပျံလေ့ရှိပါသည်။

ဤငွေအားလုံး မှာ မိမိတို့ တပင်တပန်း ရှာထားကြရသော ဝင်ငွေများ ဖြစ်ပါသည်။ ဤသို့ လောင်းကစားလုပ်၍ နိုင်လျင် ကိစ္စမရှိသော်လည်း ရှုံး လျင် ရှုံးမဲမဲ ကြပါတော့သည်။ တချို့ကလည်း "ငါ့ကို ပိုက်ဆံချေး ရော့ ငါ့ bank card နဲ့ password ယူထား နောက်လစာ ဝင်တာနဲ့ တခါတည်း ထုတ်ယူလိုက် " စသည်ဖြင့် နောက်လစာ ပင် မထွက်သေး ထိုလစာမှာ ဖဲရိုက်၍ ပြောင် နေပြီ ဖြစ်ပါသည်။

ငွေမျော ငွေနှင့် လိုက်ဆို သော်လည်း လိုက်လို့ မဆုံးသူများသာ ဖြစ်ကြပါသည်။ ဤသို့ ဖဲ ရိုက် ကြွေးတင် ကြွေးဆပ်ဖြင့် လုံးခြာလည် လိုက်နေသူများလည်း အများ အပြား တွေ့ဘူးပါသည်။

ဤသို့ လုံးခြာလည် လိုက်နေစဉ် ကုမ္ပဏီက မိမိတို့ အလုပ်သမား ကဒ်အား သက်တမ်း မတိုးပေးတော့ ဘူး ဆိုသော အခါ ပြာယာခတ်ကြရပါတော့သည်။ အလုပ်ရှင်ကလည်း အလုပ်နည်းလာလျင် လုပ်သား လျှော့ချ မည်သာ ဖြစ်ပါသည်။ ထိုအခါကြမှ " ကိုကချင် လုပ်ပါအုံး မန်နေဂျာကို တနှစ်လောက် သက်တမ်း ထပ်တိုးပေးဖို့ ပြောပေးပါအုံး " စသည်ဖြင့် အကူအညီ တောင်းလာကြပါတော့သည်။ မိမိလည်း တတ်နိုင်သည့် ကိစ္စ မဟုတ်၍ စိတ်မကောင်းရုံသာ။ ဤနည်းဖြင့် နောက်တကြိမ် စင်္ကပူ လာဖို့ရန် အေးဂျင့် fee ပင် မတတ်နိုင်တော့၍ လက်ဗလာ ဖြင့် ပြန်သွားကြရပါသည်။

ကျွန်တော်တို့ နိုင်ငံရပ်ခြား တွင် အလုပ်လုပ်နေကြသူများမှာ ၆ လခန့် အလုပ်လုပ်လိုက်လျင် အနည်း ဆုံး လက်ကိုင်ဖုန်း တလုံးတော့ ဝယ်ကိုင်နိုင်ကြပြီ ဖြစ်ပါသည်။ ဤလက်ကိုင်ဖုန်း တလုံးရသည်နှင့် ရည်းစားတယောက်ရ ရန် အလွန်လွယ်ကူသွားကြပြီ ဖြစ်ပါသည်။ ရည်း စားရှိပြီး သူများကလည်း မရှိသေးသူများအား သူတို့ သူငယ်ချင်း များ ၏ ဖုန်းနံပါတ်များ ပေးကြ ခြင်းဖြင့် အစကတော့ ကောင်မလေး တယောက် ဖုန်း ခေါ်သည်။

ထို့ နောက် နေ့စဉ် ရက်ဆက် အားသည် နှင့် ဖုန်းခေါ်ကြမည် စကားပြောကြမည်။ ထို့ နောက် အပြင်တွင် ချိန်းတွေ့ကြမည်။ ဤသည်မှာ ပုံသေနည်း ဖြစ်ပါသည်။ အားလုံး ထိုနည်း အတိုင်သာ ။ များသောအား ဖြင့် ကျွန်တော်တို့ အလုပ်ကြမ်း သမားများနှင့် ချစ်ကြိုက်ကြသော ချစ်သူ ကောင်မလေးတို့မှာ အင်ဒိုနီးရှား အိမ်ဖေါ်များ နှင့် ဖိလစ်ပိုင် အိမ်ဖေါ်များ ဖြစ်ကြပါသည်။

မည်သည့် စင်္ကပူ နိုင်ငံသူမှ သင်္ဘောကျင်း အလုပ်ကြမ်းသမားအား မကြိုက်ပါ။ အနားပင် မကပ်ကြပါ။ သူဌေး သမီး နှင့် စောင်း သမား ညားကြသော ပုံပြင်မှာ မြန်မာ တွင်သာရှိပါသည်။ စင်္ကပူတွင် ထိုကဲ့သို့သော ပုံပြင်မရှိပါ။ ကျွန်တော်တို့ ပြောလေ့ရှိသည်မှာ no money , no honey ( ပိုက်ဆံ မရှိရင် အချစ်လည်း မရှိနိုင်ပါ ) ဟုပြောကြသော်လည်း စင်္ကပူ နိုင်ငံသူ အမျိုးသမီး တို့ ပြောသည်မှာ no money , no talk ( ပိုက်ဆံ မရှိလျင် စကားပင် လာမပြောနှင့် ) ဖြစ်ပါသည်။ ကျွန်တော်တို့ သင်္ဘောကျင်း အလုပ်သမားတယောက်၏ ဝင်ငွေ မှာ သူတို့ အတွက် တော့ မိတ်ကပ်ဖိုး သို့မဟုတ် အဆင့်တန်းရှိသော လက်ကိုင်အိတ် တအိတ် ဝယ်ရန်ပင် မလောက်ပါ။

ဆက်ပါအုံး မည် ။ ဤသို့ အိမ်ဖေါ် များနှင့် ရည်းစား ဖြစ်သွားလျင် သူတို့ နှင့် အတူ တပါတ်တခါ တနင်္ဂနွေ နေ့ တရက် hotel တွင် အတူ အိပ်ရဖို့ အရေး ပိုးကြေး ပန်းကြေး ပေးရ ၊ ဖုန်း ဝယ် ပေး ရ ၊ အဝတ်အစား ဝယ်ပေးရဖြင့် မိမိတို့ ရှာ ထားသော ပိုက်ဆံ အိမ်ပြန် ပို့ရန် အသာထား မိမိတို့ ရည်း စားအတွက်ပင် မလောက်ပါ။

အထူးသဖြင့် ဖိလစ်ပိုင် အိမ်ဖေါ်တို့မှာ ချောမောလှ ပကြသည့် အပြင် လည် လည် ဝယ်ဝယ်လည်း ရှိကြသဖြင့် မြန်မာ ကောင်လေးများထံမှ ပို၍ ခြူစားနိုင်ကြပါသည်။ မြန်မာပြည် တွင် ရည်းစား မရှိဘူးခဲ့သူကလည်း စင်္ကပူ တွင် ရည်းစား ထည်လည် တွဲ နိုင်ကြပါသည်။ ပိုက်ဆံ သုံးဖြုန်းနိုင်ရန်သာလိုပါသည်။ ထိုထက် ပို၍ မစိတ် မွန်းလာသူ နွားကျ သူကတော့ သူတို့ bank card အား ရည်းစား ကို ပေးထား၍ လခ မှန်သမျှ ရည်းစားက ထုတ်ယူ သူတို့ မှာ ရည်းစားပေးသမျှ သာ သုံး စွဲရ ပါသည်။

ဤသို့ bankcard ပေး ထားခြင်း၏ အကျိုး အမြတ်အနေဖြင့် ထိုသူတို့မှာ တပါတ်လျင် တခါ သူတို့ ရည်းစားနှင့် hotel တွင် အတူ အိပ်နိုင်သော မဟာအခွင့်အရေး ရကြပါသည်။ ဤသို့ အလုပ်ပင်ပင်ပန်းပန်းလုပ် ကိုယ်ထမင်းကိ်ုယ်စား ပြီး တဏှာ အတွက် ကျွန်ခံ နေကြသူများလည်း တွေ့ဘူးပါသည်။

ဤတွင် ကိုယ့်ပိုက်ဆံနဲ့ ကိုယ်ကျွန်ခံတာ ဘာဖြစ်လဲ ဟူ၍ ပြောစရာရှိပါသည်။ ဟုတ်ကဲ့ ဘားမှ မဖြစ်ပါ။ ကျွန်တော်ကလည်း ကောင်းသည် ဆိုးသည် ဝင်မပြောပါ။ သို့သော် ဒုက္ခရောက်လာလျင် ပြသနာမှာ ကျွန်တော့ ဆီ ဦးတည်လာလေ့ရှိပါသည်။ အကြောင်းမှာ " ကိုကချင် ကျွန်တော့ ကောင်မလေးက ဟိုဟာမလာတာ ၂ လရှိပြီ ပြောတယ်။ ကိ်ုယ်ဝန်ရှိနေပြီလားမသိဘူး။ ကောင်မလေးက ဖျက်ချဖို့ အတွက် $၂၀၀၀ လောက်လိုတယ် ပြောနေလို့ ကူညီပါအုံး" ဟူ၍ အကူအညီတောင်းလာကြပါတော့သည်။

ဤတွင် ကျွန်တော့ထံ အကူအညီ တောင်းရခြင်းမှာ ကျွန်တော် ချမ်းသာ၍ မဟုတ်ပါ။ ကျွန်တော်လည်း အလုပ်သမားသာ ဖြစ်ပါသည်။ သို့သော် supervisor အာမခံဖြင့် ရုံးချုပ်မှ ပိုက်ဆံ ချေးလို၍ ဖြစ်ပါသည်။

ကျွန်တော်လည်း အခြားသော ကိ်ုယ်ရေးကိုယ်တာ ပြသနာများ ဖြစ်သော မိခင်ဖခင် ဆေးရုံ တက်နေရလို့ ၊ ညီမလေး ၁၀ တန်း ဘော်ဒါ ကောင်းကောင်း ထားချင်လို့ စသည် ကိစ္စများအတွက် ဆိုလျင်တော့ အာမခံ၍ ပိုက်ဆံ လိုက်ချေးပေးပါသည်။ သို့သော် ထိုကဲ့သို့ ရည်းစားထား၍ သရမ်းပြီး ပြသနာတက်လာလျင်တော့ ဝမ်းနည်းပါသည်ဟုသာ ပြောလွတ်ပါသည်။

သူတို့ ကောင်မလေးက ရည်းစား ဘယ်နှစ်ယောက်ရှိသည် မသိ ၊ ကိုယ်နှင့် ရသော ကိုယ်ဝန်လား အခြားသူနှင့်ရသော ကိုယ်ဝန်မှန်းမသိ ။ ကောင်မလေးက ရဲတိုင်လိုက်လျင် ဒုက္ခ ရောက်ရမည် ဖြစ်၍ သူတို့ ကောင်မလေးများ တောင်းသော ပိုက်ဆံကို ချေးငှား၍ ရှာပေးရ ၊ ရသော လစာမှာ အကြွေးများ ဆပ်ရင်းသာ လုံးခြာလည် လိုက်နေသူများလည်း ရှိကြပါသည်။

စင်္ကပူတွင် အိမ်ဖေါ် လုပ်နေသော အမျိုးသမီး များသည် ကိုယ်ဝန် ဆောင်ခွင့် မရှိပါ။ ခြောက်လ တကြိမ် ဆေး စစ်ရ၍ ဆေးမအောင်လျင် ချက်ချင်း ပြန်ပို့ပါသည်။ စင်္ကပူရှိ မည်သည့် ဆရာဝန်များကလည်း ဤကဲ့သို့ မှုခင်းနှင့် မကင်းသော ကိုယ်ဝန် ဖျက်ချမှုအား မလုပ်ကြပါ။ မိလျင် ရာသက်ပန် လိုင်စင်ဆုံး ရှုံး ရမည် ဖြစ်သောကြောင့် ဖြစ်ပါသည်။

ဤကဲ့သို့ အချိန်တန်လျင် သူလည်း သူ့ နိုင်ငံ ပြန်ရမည် ဖြစ်သလို ကိုယ်လည်း ကိုယ့် နိုင်ငံ ပြန်ရမည် သိနေသော် လည်း အခိုက်အတန့်သော ပျော်ရွှင်မှု အတွက် ဒုက္ခရောက်သွားကြသူများလည်း ရှိကြပါသည်။ ဤသည်မှာ ကျွန်တော်တို့ နိုင်ငံရပ်ခြားတွင် ဖြစ်ပျက်နေကြသော အခြေအနေများကို ဗဟုသုတ ရစေရန် အလို့ငှာ ရေးပြရခြင်းသာဖြစ်၍ အခြားသော စာဖြင့်ရေးပြရန် မသင့်သော အကြောင်းအရာတော်တော်များများအား ချန်ထားခဲ့ပါသည်။

ဆက်လက်ဖေါ်ပြပါမည်။

မြန်မာလူငယ်များ steemit တွင်အောင်မြင်ကြပါစေ....

Photo Credit : Original source

Author : Henry Aung ( Kachin )
MSC : 001