ဘတူနှင့် ရိုးရာအစွဲ အပိုင်း(1)

ကျွန်တော်တို့ရွာလေးတွင်"ဘတူ"ဟုခေါ်သော ရိုးရာ ဓလေ့ထုံးစံကို အယုံကြည်မရှိသော လူတစ်ယေက်ရှိ၏။သူသည် ရိုးရာ ဓလေ့ထုံးစံအားလုံးကို ဆန့်ကျင်သူတော့မဟုတ်ပေ။သူဆန့်ကျင်သည်မှာ နတ်ပူး သရဲပူး စုံးပူး နတ်စာကျွေး သရဲစာကျွေး စသည်တို့ကို လွန်စွာ အယုံကြည်မရှိသူ ဖြစ်လေသည်။သူသည် နတ် သရဲ စုံးတို့ကို အယုံကြည်မရှိရုံတင်မက အခွင့်သာလျှင်သာသလို ထို နတ် သရဲ စုံး တို့ကို နှိပ်ကွပ်တက်သေးသည်။

အရင်က ရွာထိပ်အလွန်ကွေ့တွင် မကျီးပင်ကြီး တပင်ရှိလေသည်။ထိုအပင်သည် အကွေ့တွင် ရှိနေသောကြောင့် တဖက်မှ လာသည်ကို မမြင်ရပဲ နွားလှည်းများ ခဏတိုင်းဆုံးမိကြသည်။ထိုအပင်တွင် သရဲရှိသည်ဟု နာမည်ကြီးလေသည်။ဘတူသည် ထိုအပင်ကို ခုတ်ရန် ရွာရှိ လူကြီးများအား ပြောပြသော်လဲ လူကြီးများမှ"သရဲကိုင်လိမ့်မယ်…မခုတ်နဲ့"ဟူ၍သာ ပြောကြလေသည်။

ဘတူသည် ထိုအပင်အား အမြစ်ပျက်လှဲပစ်ချင်သော်လည်း သူတယောက်ထဲလဲ ထိုအပင်ကို မလှဲနိုင် အဖော်ကလဲ ခေါ်မရနှင့် အသာငြိမ်နေရလေသည်။တနှစ်တွင် ဘတူသည် အလည်ပတ်သွားရင်း ကျောက်မိုင်း တစ်ခုသို့ ရောက်သွားလေသည်။ထိုကျောက်မိုင်းတွင် ကျောက်များမိုင်းခွဲ နေသည်ကို မြင်လျှင် ရွာကွေ့ရှိ မကျီးပင်ကြီးအား မိုင်းခွဲရန် အကြံဖြစ်မိသည်။ထို့ကြောင့် မိုင်းခွဲနည်းကို သေခြာကျနစွာ သင်ယူလေသည်။

ထို့နောက်တွင် မိုင်းဆရာမသိအောင် မိုင်းတထုပ်ကို ခိုးယူးပြီးရွာသို့ပြန်ခဲ့လေသည်။သူသည် မိုင်းထုပ်ကို သေခြာဝှက်ထားပြီး ညနေဘက်များတွင် တူရွင်း တချောင်းယူကာ မကျီးပင် အခြေအတွင်းကို ရသလောက် နှိုက်တူးတာ နေလေသည်။ဤသို့ဖြင့် ၃ညနေခန့်တူးပြီးသောအခါတွင် အနေအထားကို ဘတူ သဘောကျသွားသည်။ထိုညတွင်ပင် ရွာထိပ်မှာ ပေါက်ကွဲသံကြီး တစ်ခုကြားလိုက်ရသည်။ရွာထဲမှ သူများသည်လဲ ပေါက်ကွဲသံကြောင့် ကြောက်လန့်ကာ အကုန်အိမ်တခါးပိတ် မီးမှိတ်ကာ ငြိနေကြရလေတော့သည်။

အနီးရှိရဲစခန်းမှရဲများ ပေါက်ကွဲသံကြောင့်ရောက်လာပြီး အသံကြားရာသို့ ရွာသူကြီးနှင့်သွားကြည့်ရာတွင် မကျီးပင်ကြီးသည် အမြစ်မှ ကျွတ်ကာ လဲပြီး လမ်းပိတ်နေလေသည်။သူကြီးသည် ဘတူ လက်ချက်မှန်း တန်းသိသော်လဲ ရဲများ ဖမ်းမည်စိုး၍ မသိချင်ယောင်ဆောင်နေလိုက်သည်။ရဲများသည် အနီးအနားတွင် သေခြာစစ်ပြီး မိုင်းခွဲကြောင်းသိ၍ လိုက်ရှာသော်လဲ ခွဲသူကို မတွေရ၍ စခန်းသို့ပြန်ကြလေ စခန်းရောက်သောအခါ စစ်ကျန်ဗုံးတလုံး ကွဲသည်ဟူ၍သာ စခန်းမှုးသတင်းပို့တာ မိုင်းကိစ္စပြီးသွားလေတော့သည်။

နောက်နေ့ နံနက်တွင် ရွာလူကြီး ဘတူထံရောက်လာပြီး "မင်းမိုင်းဘယ်ကရလဲ"ဟုမေးသောအခါ ပြုံးဖြီးဖြီးဖြင့် ခိုးလာသည်ဟု ဝန်ခံလေသည်။သူကြီးသည် ဘတူအား အားရအောင် ဆိုဆုံးမပြီး "မင်းလုပ်ထားတာ လမ်းပိတ်နေပြီ ရွာထဲက လူတွေကို ခေါ်ပြီး ရှင်းလိုက် ……ပြီးရင် သူတို့ကို ထမင်းကျွေးလိုက်"ဟုပြောကာ ပြန်သွားလေတော့သည်။ဘတူသည်လဲ လုပ်ချင်သည်ကို လုပ်လိုက်ရသောကြောင့် ပြုံးလျှက်……
@myintlwinsoe
MSC-224