Creed of Life.

@ogoowinner you day always get better talk for mouth as if you day my mind. Just yesterday I been make post concerning matter like this one, see now you too day talk the same thing.

This life to short to begin hate on person or even to start make ursef a replica of another person. Instead of to begin envy or judge another person you fit just calm down channel the whole jealous put for something else way go day more profitable sef.

Like the issue of sexual orientation, some persons just carry the matter for head like say dem day Sell galla abi na pure water self.
Some people fall in love with a person and not their genitals na wetin most ppl never still understand till now.

If we start to mind our business kon begin practice to respect other ppls opinion this world go be one sharp zone.

I no to get plenty talk for mouth sha, but based on matter like this @sykochica Don begin put mouth for am and hoping things go better for Steemit and for the whole world too.