Pantun bahaso kluat

Nauh nauh aku megereto

Badan kebas cui teraso

Nekah nekah kito mecinto

Kak lain suang puso

Sayang sayang si urang tuo

Mebelon no jaso banto anak do

Naik to bayar naik to rego

Walau daging to sayad ko bando

Buah terke 

Buah langsat

Ming nalot ake

Pasti mero jahat

Alang anak beru setuju

Alang anak laki nak mau tahu

Mne ske kaen ke ncari anak beru

Selong selongi ulang sempat anak kabru

Megetah getah buah nangko

Bantong ik ku pangan rasono

Nekah nekah kito mecinto

Soh sendah ku bantong setio

Capot capot buah remio

Bantongbik ku telon rasono

Lebot lebot no komecinto

Ternyato ate m medusto

Medalan dalan aku bo mpus lawe

Ku idah idah ko di bagas lawe

Nebak nebak bato di hempas lawe

Sesak sesak dado ku nanggung ate

Laus bo paser seban di pato

Kenan semerkos senang rasono

Nauh nauh aku ngeranto

Kenan ukuman kak kampung kano

Rumah nguh pe

Ulang lot kak noktok pahat

Kerjo merjo nguh selese

Ulng sempat lot kak ngupat

Laus ridi bo ujung delong

Ulang lupo mbah anduk

Teridah enggi yg merendong

Pas kia idi anak yuk

Metik metik ulong pinang

Ming buah no nguh nekah muang

Ming kaem arok ngun anak yuk alang

Ulang miar miar ngatoko bo maklang

Laus bo mpus mbah kirang

Ulang lupo putiko kerimbang

Mene ate pak rembang

Ulang nekah nekah petimbang

Tawarko mangan kato ko no ndak

To idah pedalan nakngo rasono

Wardi to tawarko te ndak ndak

Rupo no ino ne kano

Cibe ne belo bagas cerano

Cibene pinang tah daruk apah

Dari nauh kekdah no kami no

Bedoh pe selang 3 buah rumah