Naalala ko kung saan ako unang lumayo
Humakbang paatras alam saan patungo
Mga unang linggo, Sabado iyon ng Marso
Sinabing dapat ang pag-uusap ay mahinto

Nabalik dahil mayroon kang katanungan
Katanungang nangangailangan ng kasagutan
Sa larangang medyo ako'y may gamay
Kaya mga tanong mo'y walang humpay

Ano to, ano yan, bakit yan, bakit ganyan?
Mga tanong na hindi ko nakayang ilagan.
Hanggang di na malayan ito na pala ay kwentuhan
At, "Uh oh!" ayan na naman, bakit ba ganyan.

Paulit-ulit ang pangyayaring "Hakbang Palayo".
Yan ang kwentong hindi narinig ng mga tao.
Ilang beses, makailang ulit tayong nagkasundo
Dahil alam ko kung saan ang naging lugar ko.

Di mabilang, ngunit mas di mabilang ang tadhana
Tadhanang nagtutulak kahit dapat ay hindi na.
Na dapat ay wala na, pero bumabalik bakit ba?
Ba't di mapigilan ang kagustuhan ng nadarama?

Marso, Abril, Mayo at Hunyo ang pagtatangka
Pinipilit "Humakbang Palayo" dahil yun ay tama
Pero bakit iba ang naging ihip ng tadhana
Sa bawat hakbang palayo, bakit ang pag-abante ay dalawa?

Maraming Salamat sa Pagbasa :)

Nawa'y patuloy ang paggawa natin ng orihinal na obra na nagmumula sa ating mumunting isipan. Kung nais ninyong sumali sa aking patimpalak na #wordchallenge. Isang patimpalak na naglalayong maipakita at mailathala ang mga tula at poetry (English at Tagalog) sa Steemit. Maraming salamat :)