ବଲିଉଡକୁ କରୋନା ଭୟ

ନୂଆଦିଲ୍ଲୀ(ଏଟିଆର ବ୍ୟୁରୋ): ସମସ୍ତଙ୍କୁ ବର୍ତ୍ତମାନ ଗୋଟିଏ ଚିନ୍ତା । କରୋନା ଭାଇରସ ଧିରେ ଧିରେ ମୁଣ୍ଡ ବିନ୍ଧାର କାରଣ ପାଲଟିଲାଣି । ଚୀନର ଉହାନ ସହରରୁ ଆରମ୍ଭ ହୋଇଥିବା ଏହି ଭାଇରସ ୯୧ଟି ଦେଶକୁ ବ୍ୟାପିସାରିଲାଣି ।ଏହି ଭାଇରସରେ ୩ ହଜାରରୁ ଅଧିକ ଲୋକ ମୃତ୍ୟୁବରଣ କରିଥିବା ବେଳେ ୮୦ ହଜାରରୁ ଅଧିକ ଲୋକ ଏଥିରେ ସଂକ୍ରମିତ ଥିବାର ସୂଚନା ରହିଛି । ତେବେ ଭାରତରେ ମଧ୍ୟ ଏହାର ପାର୍ଦୁଭାବ ଦେଖିବାକୁ ମିଳିଳାଣି । ଭାରତରେ ମୋଟ ୪୨ ଜଣ କରୋନା ରୋଗୀ ଚିହ୍ନଟ କରାଯାଇଛି । ଯାହାକୁ ନେଇ ସାଧାରଣ ଲୋକଙ୍କ ଠାରୁ ଆରମ୍ଭ କରି ବଡ ବଡ ସେଲିବ୍ରେଟି ଭୟ କରୁଛନ୍ତି । ଏହି ଭାଇରସ ଭୟରେ ଲୋକ ମାନେ ଧିରେ ଧିରେ ଭିଡକୁ ଯିବା ପାଇଁ ଡରିବାକୁ କରିବାକୁ ଲାଗିଲେଣି । ତେବେ ଏହି ଭାଇରସର ପ୍ରଭାବ ବଲିଉଡରେ ମଧ୍ୟ ଦେଖିବାକୁ ମିଳିଛି । ବହୁ ଆଗାମି ଫିଲ୍ମ ମାନଙ୍କର ସୁଟିଂ ବନ୍ଦ କରି ଦିଆଗଲାଣି ।

ନିକଟରେ ସଲମାନ ଖାନଙ୍କ ଅଭିନିତ ବହୁ ପ୍ରତିକ୍ଷିତ ଫିଲ୍ମ ରାଧେ ର ସୁଟିଂକୁ ବନ୍ଦ କରାଯାଇଛି । ଏହା ସହ ଅକ୍ଷୟ କୁମାରଙ୍କ ଫିଲ୍ମ ପୃଥ୍ୱୀରାଜକ ର ସୁଟିଂକୁ ମଧ୍ୟ ବନ୍ଦ କରାଯାଇଛି । ଏବେ କରଣ ଜୋହରଙ୍କ ପିଲ୍ମ ତକ୍ତ ର ସୁଟିଂକୁ ବନ୍ଦ କରାଯାଇଛି । ସୂଚନା ଅନୁସାରେ କରଣଙ୍କ ଫିଲ୍ମ ତକ୍ତ ର ସୁଟିଂ ନିକଟରେ ରଦ୍ଦ କରାଯାଇଛି । ଏହି ଫିଲ୍ମର ସୁଟିଂ ରାଜସ୍ଥାନର ଜୟପୁର ଓ ଜୟସଲମେରରେ ହେବାକୁ ଥିଲା । ହେଲେ କରୋନା ଭାଇରସ ଭୟରେ ଏହାକୁ ବାତିଲ କରାଯାଇଛି । ସେହିଭଳି ଅକ୍ଷୟ କୁମାରଙ୍କ ଫିଲ୍ମ ପୃଥ୍ୱୀରାଜର ସୁଟିଂ ରାଜସ୍ଥାନରେ ଚାଲିଥିଲା । ହେଲେ କରୋନା ଭାଇରସ ଭୟରେ ଏହି ସୁଟିଂକୁ ମୁମ୍ବାଇକୁ ସ୍ଥାନାନ୍ତରିତ କରାଯାଇଛି । ସେହିପରି କାର୍ତ୍ତକ ଆର୍ଯ୍ୟନ ଓ କିୟାରା ଆଡୱାନୀଙ୍କ ଫିଲ୍ମ ଭୁଲ ଭୁଲେୟା ୨ର ସୁଟିଂ ରାଜସ୍ଥାରେ ହେବାର ଥିଲା । ମାତ୍ର ଏହାକୁ ଲକ୍ଷେ୍ନøକୁ ସ୍ଥାନାନ୍ତର କରାଯାଇଛି ।

ଖାଲି ଆଗାମି ଫିଲ୍ମ ନୁହେଁ, ବର୍ତ୍ତମାନ ରିଲିଜ ହେଉଥିବା ବଲିଉଡ ଫିଲ୍ମରେ କରୋନାର ପ୍ରଭାବ ପଡିଥିବାର ଦେଖିବାକୁ ମିଳିଛି । ନିକଟରେ ଟାଇଗର ଶ୍ରଫ ଓ ଶ୍ରଦ୍ଧା କପୁରଙ୍କ ଅଭିନିତ ଫିଲ୍ମ ବାଗି ୩ରେ ଏହାର ପ୍ରଭାବ ପଡିଛି । ଯେଉଁ ଅନୁସାରେ ଏହି ଫିଲ୍ମ ଆୟ କରିବା କଥା ସେହି ଅନୁସାରେ ଆୟ କରି ପାରିନାହିଁ । ତେଣୁ ଫିଲ୍ମ ବର୍ତ୍ତମାନ କରୋନା ଭାଇରସ ପାଇଁ ବଲିଉଡର ବହୁ ନିର୍ଦ୍ଦେଶକ ଓ ପ୍ରାଯୋଜକ ସଂସ୍ଥା ଚିନ୍ତାରେ ପଡିଛନ୍ତି ।