තත්පරයක් දෙන්න!

Source

අපි හැමෝම දන්නවා ලංකාවෙ හොඳ ටෙලිනාට්‍ය බිහිවෙන්නෙ අඩුවෙන් කියලා. හොඳ කියන එකත් එකිනෙකාට සාපේක්ශයි. කොහොම වුණත් මෑත කාලෙදි ITN එක එයාලගෙ ප්‍රේක්ශකයොන්ට රස විඳින්න පුලුවන්, positive comment section එකක් තියෙන ටෙලිනාට්‍ය විකාශය කළා. ඒ අතරින් එකක් තමයි තත්පරයක් දෙන්න කියලා කියන්නෙ.

Source

අපි ජීවත් වෙන්නෙ මොන වගේ රටකද, මොන වගේ දේශපාලනයක් තියෙන රටකද කියලා අපි දන්නවා වුණත් මේ නාට්‍යය ඒක පේක්ශකයට දෙන විදිය විශිෂ්ටයි කියලා කියන්න පුලුවන්. ඒ වගේම කියන් ඕනෙ cast and crew එක. ඒ අය අතරිනුත් තරින්දි ප්‍රනාන්දු, ශ්‍යාම් ෆෙර්නැන්ඩෝ, සේමිණී ඉද්දමල්ගොඩ සහ වන්නකු සහ ලාල් කියන නලු නිළි කණ්ඩායමගෙ රංගනය විශිෂ්ට එකක් කියලා කියන්න පුලුවන්. අනෙක් හැමෝමත් එහෙමයි. තරින්දි කියන්නෙ සම්මාන හිමිවිය යුතු, මීට වඩා ඇගයෙන්න ඕනෙ නිළියක් කියලා මට හිතෙනවා. එයා පණ පොවන පූජනී ගෙ චරිතෙන් පොඩ්ඩක් වත් ඇහැ ගන්න හිතෙන්නෙ නෑ.

කතාව ගැන කියනවා නම් ලංකාවෙ දේශපාලනය කියන්නෙ කොයිතරම් ත්‍රාඩ එකක්ද කියන එක පැහැදිලි වෙනවා. අවංකව වැඩ කරන රාජ්‍ය නිලධාරීන්ගෙ ඉරණම කොයි අතටද යන්නෙ කියන එක දේශපාලනය විසින් තීරණය කරන හැටි, ලංකාවෙ සමාජ ස්ථර සහ ඒවා එහෙම වුණේ ඇයි වගේ කාරණාත් මේ කතාව ඇතුළෙ පෙන්නන්න උත්සාහ කරනවා. අමතක වුණා. ඇමති විදියට රඟපාන රොජර් සෙනෙවිරත්නනගෙ රංගනයත් අමතක කරන්නම බැරි එකක්.

දවස් තුනෙන් දැනට විකාශය වුණ episode 41 ම බලලා ඉවර කළා. මට ඒක ඒතරම්ම බලන්න හිතෙන නාට්‍යයක්.!