Trinco Fort

Trinco වලට ගිහින් පොඩි වෙලාවක් rest එකක් අරගෙන අපි Trinco Fort වලට යන්න පිටත් වුණා. මං මගේ මුලු ජීවිතේටම දැකලා තියෙන ලස්සනම beach එක දැක්කෙ trinco fort එක වටේට. කියන්න වචන නැති තරම් ලස්සනයි. ඒ වගේ ලස්සන beach එකක් මම බෙන්තොටදි දැකලා තියෙනවා. ඒත් ඒ තරම් ලස්සන තද නිල් පාටට නෙමෙයි!

Fort එක ඇතුළ කියන්නෙ ලොකුම ලොකු ප්‍රදේශයක්. ඉතින් උඩටම යනකොට තියෙනවා තිරුකෝනේශ්වරම් කෝවිල. ඒක ලංකාවෙ විතරක් නෙමෙයි india වල්ත් ගොඩාක් ප්‍රසිද්ධ හින්දු භක්තියකයන්ගෙ පූජනීය ස්තානයක්. කෝවිල් එක උඩට ගියාමත් වටේටම මුහුද.

Fort එක ඇතුළෙ තියෙන තවත් ලස්සන දෙයක් තමයි නිදහසේ ජීවත් වෙන දිග අං තියෙන ලස්සනම ලස්සන මුව රංචුව. එයාලට කාගෙන් වත් හිරිහැරයක් නෑ. ඒ වගේම මිනිස්සුන්ට හරිම හීලෑයි.

අන්තිමට මම කියන්නම් Fort එක ඇතුළෙ තියෙන ලස්සනම දේ. ඒක තමයි view point එක. මුහුදු මට්ටමේ ඉඳන් ගොඩාක් උසින් තියෙන්නෙ. මේ පින්තූර වල තියෙනවට වඩා ගොඩාක් උසයි. ඇත්තටම බය හිතෙනවා එතන ඉඳන් බලන එකත්. හැබැයි වටේටම නිල්ම නිල් පාට මුහුද පේනවා. ගිනි පෙට්ටි වගේ පුංචියට බෝට්ටු යනවා පේනවා. ගොඩාක් ලොකු තට්ටු ගෙවල් වගේ ගල් කණු වලින් පිරිලා.

Fort එක ඇතුළෙ කෝවිලට යන පාරෙ fresh juice කඩ ඕනෙ තරම් තියෙනවා. ඇත්තටම ඒවා fresh juice. හරිම රසයි. මහන්සිය නිවාගන්න වාඩි වෙලා ඉන්න නියමයි!