පොත් ප්‍රදර්ශනයට

සිකුරාදා ඉදන් සදුද වෙනකන්ම නිවාඩු හම්බෙලා තිබ්බෙ. දවස් හතරක්! අවාසනාවට ට්‍රිප් එකක් යන්න ආසාවෙන් හිටියත් කවුරුවත් එකතු උනේ නෑ. එකේක වැඩ. එකේක හේතු..පැල්වත්ත- මොණරාගල - ලාහුගල පැත්තෙ යන්න ප්ලෑන් කරන් හිටියෙ එහේ ඉන්න යාලුවෙක් ගෙ තැනට..කිසිම නෑ කාගෙවත් 😐.

ගාල්ලෙ ෆුඩ් ෆෙස්ටිවල් එකක් තිබ්බ සෙනසුරාද ඉරිද. ඒකට යන්නත් කවුරුත් නෑ. තිබ්බ අන්තිම ඔප්ශන් එක කොළඹ පොත් ප්‍රදර්ශනය. දවස් හතරක් ගෙදරට වෙලා ඉන්නෙ කොහොමද කොහෙවත් යන්නෙ නැතුව! සුපුරුදුපරිදි ඒකට යන්නත් කවුරුත් නෑ..මං තීරණය කරා තනියම යන්න..හුදකළාවේ ආශ්වාදය විදින්න 😌.

ඒත් පොඩි ප්‍රශ්නයක් තිබ්බ..තනියම ගමන යෑම උදෑසන ඇහැරෙන වෙලාව අනුව තීරණය වෙනව. ඒ කිව්වෙ උදේ 7.50 ට ගාලු කුමාරිය අල්ල ගත්තෙ නැත්තන් ගමන යන්නෙ නෑ කියල මට හිතෙන්න පුලුවන්. බස් වලත් වියදම වැඩියි කාලෙත් වැඩියි. යන්තම් 7.20 ට ඇහැරිලා කෝච්චිය අල්ලගන්න මට පුලුවන් උනා.

මම හිතාගෙන ගියේ 5000 ක budget එකකට පොත් 4 ක් විතර ගන්න..කොහොමත් හිතන් යන දේවල් වෙන්නෙ නෑනෙ. අන්තිමට 10 000 ක විතර පොත් 9 ක්ම ගත්ත.

ගොඩක් තැන් වල discount දාල තිබ්බ 10%, 20% වගේ. ඒ නිසා ගාන ශේප්. පොඩි කාලෙ පරිවර්තන පොත් කියෙව්වට දැන් හිතෙනව ඒවල original පොතම හොයාගෙන කියවන්න පුලුවන් නම් හොදයි කියල. ඒ නිසා original ඒව කියවන්න බැරි රුසියානු සාහිත්‍යයේ පොත් කීපයක පරිවර්තන ටිකක් ගත්තා. කොහොමත් රුසියානු සාහිත්‍යය ට මම පොඩි කාලෙ ඉදන්ම ටිකක් වැඩිපුර කැමතියි.

Bargain books හට් කීපයක් ම තිබ්බ ගොඩක් අඩු ගානට පොත් ගන්න පුලුවන් ඒවයින්. හැබැයි මන් ගන්නම හිතාගෙන ගියපු පොත් තිබ්බෙ self development පොත්. ඒව පිටින් ගන්න කොට සෑහෙන්න ගනන්. පොත් ප්‍රදර්ශනය එනක්නම බලන් හිටියෙ ඒව ගන්න..ඒ නිසා යන්තම් පීරල පීරල Jeya books stall එකෙන් කියවන්න ආසාවෙන් හිටපු පොත් දෙකක් ගත්ත. Sapiens- A brief history of man kind එකයි, 7 habits of highly effective people කියන එකයි. ඒ ජාතියෙ පොත් නම් ඉක්මනට ඉවර වෙලා තිබ්බ. මේ දෙකත් රුපියල් 7000 ක් උනා discount එක්ක 👀. හැමදාම ගන්නෙ නෑනෙ කියල් හිත හදාගෙන අරන් ආව.

පොත් stall වල නම් සෙනග සෑහෙන්න..සමහර තැන් වල පෝලිම් ගැහිල ඇතුලට යන්න..පෝලිම් නම් මොනවද දැන් ඉතින් අපට..
Budget එක over ගියපු නිසා දවල්ට මයිලෝ එකක් විතරක් බීල ආපහු එන්න පිටත් උනා. තනියම යන එකත් වරදක් නෑ හැබැයි.(සිත නිවන කතා..) නිදහසේ කැමති විදියට කැමති වෙලාවක..