My country pipu I salute una o
@Zizymena-eu and other people of dis great house.

To lie no good o, sometimes Na the easy way out.
Some people sef no dey too like truth, if you tell them the truth them go see am as lie and if you tell them lie Na truth be dat for their side.

the lie wey I no fit forget Na the one wey I pour out to my big brother when I dey for my final year for obudo-naija university.
The department wey I finish from wey b geology, we d get special field trip to different regions of we country for mapping. This field work Na once for every session.
As student wey I b as if then, money b dry pass roasted old corn.
I no get other choice than to tell am say my department get field trip wey I need pay certain amount of money. Him no say e b Don pay for field trip for that session and we b don come back.
The guy ask me about the one we go before... I tellam say we be bring the wrong samples come back. The guy bring the money sharp sharp. E no wan hearsay e brother get extra year for school because of #20000.
I no no say the guy get doubt for the matter.
after two weeks, the guy no see my pictures for facebook. Problem start, I come lie another to cover up. But nothing come out.
the guy Don catch me be say e don catch me. Na so the trust d guy get for me disapear.